ޓެކްސީ ޑްރައިވަރު ގާސިމް ހަސަންގެ މަރާއި ގުޅިގެން ފުލުހުން އިއްޔެ ހައްޔަރުކުރި މީހާ އެ ކުށަށް އިއުތިރާފްވެއްޖެއެވެ.
މިކަން ހާމަކޮށްފައިވަނީ ފުލުހުންގެ ވެރިޔާ، ކޮމިޝަނަރު އޮފް ޕޮލިސް މުޙައްމަދު ހަމީދު ދާދި ދެންމެ ކުރެއްވި ޓްވީޓެއްގައެވެ.
އޭނާގެ ބަންދަށް ކްރިމިނަލް ކޯޓުން 15 ދުވަސް ޖަހާދީފައިވާ ކަމަށާއި މި މައްސަލައިގެ ތަހުގީގު ފުރިހަމަ ކުރުމަށް ފޮރެންސިކް ހެކިތަކުގެ އެހީ ލިބިގެންދިޔަ ކަމަށްވެސް ސީޕީ ވިދާޅުވިއެވެ. އެގޮތުން މި ކުށުގެ އަމަލު ހިންގި އިރު އޭނާ ލައިގެން ހުރި ހެދުން ވެސް ހޯދިފައިވާ ކަމަށާއި މިކަމާ ގުޅޭގޮތުން އަންނަ ހަފްތާގައި ނޫސްވެރިންގެ ބައްދަލުވުމެއް ބާއްވާނެ ކަމަށްވެސް ސީޕީ ވިދާޅުވިއެވެ.
We have recovered the clothes he wore on the night of 4th December when he committed the murder. It was hidden at a site in the vicinity of the crime scene. We are working on the corroboration of evidences and further forensics. A press briefing will be done early next week.
— Mohamed Hameed (@M_Hameedh) December 20, 2019
“ފުލުހުން ރޭ ހައްޔަރު ކުރީ ގާސިމްގެ ގާތިލް، މި ކޭސް ސޯލްވު ކުރުމުގައި ފޮރެންސިކް ހެއްކިތައް މުހިންމު ދައުރެއް ކުޅުނު”
ޕޮލިސް ކޮމިޝަނަރު ވިދާޅުވި އެވެ.
ޓެކްސީ ޑްރައިވަރެއްގެ ގޮތުގައި މަސައްކަތް ކުރަމުންދިޔަ އުމުރުން 59 އަހަރުގެ ގާސިމުގެ މަރުގެ މައްސަލާގައި ފުލުހުން މީގެކުރިން ވަނީ ގާސިމް މަރުވެފައި އޮތް ސަރަހައްދުން ފޮރެންސިކް ހެކިތަކެއް ހޯދާފައެވެ. އޭގެތެރޭގައި ފިންގަރ ޕްރިންޓާއި ޑީއެންއޭ ހިމެނެއެވެ. އަދި ގާސިމް އަށް ހަމަލާދިނުމަށް ބޭނުންކުރި ހަތިޔާރު ވެސް ފުލުހުން ވަނީ ހޯދާފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!