"އާލާ" ބޯޓު އަޑިއަށް ގޮސްފި

މާލެ އިން ފުރައިގެން ރ. އަތޮޅަށް ދަތުރު ކުރަމުން ދިޔަ "އާލާ" ބޯޓު އެއްކޮށް އަޑިއަށް ގޮސްފިއެވެ.

މި ބޯޓު އަޑިއަށް ގޮސްފައި ވަނީ ރާޅެއް އަރައި ދިޔަވެގެންނެވެ. މި ބޯޓުގައި 15 މީހުން ދަތުރު ކުރަމުން ދިޔައެވެ.

މި ބޯޓަށް ދިޔަވެ އަޑިއަށްދާ ކަމުގެ މައުލޫމާތު އެމްއެންޑީއެފަށް ދީފައި ވަނީ ރޭ ފަތިހު 05:22 ހާއިރު ކަމަށް އެމްއެންޑީއެފުން ވަނީ ވިދާޅުވެފައެވެ.

މި ހާދިސާގެ މަޢުލޫމާތު އެމްއެންޑީއެފަށް ލިބުނުއިރު މި ބޯޓު އޮތީ ބ. އޭދަފުށީގެ ދެކުނުން 2.5 ނޯޓިކަލް މޭލު ބޭރުގައެވެ.

މާލެއިން ފުރައިގެން ރ.އަތޮޅަށް ދަތުރުކުރަމުންދިޔަ "އާލާ" ބޯޓް މިއަދު 08:42 ހާއިރު ވަނީ އެއްކޮށް އަޑިއަށްގޮސްފައި. މި ބޯޓުން ދަތުރުކުރި މީހުން ސީ އެމްބިއުލާންސްގައި މިހާރު ދަނީ އޭދަފުއްޓަށް ދަތުރު ކުރަމުން. pic.twitter.com/4Z1GFfkcbY

— Maldives National Defence Force (@MNDF_Official) June 1, 2023

އެމްއެންޑީއެފުން ވިދާޅުވިގޮތުގައި، "އާލާ" ބޯޓު މިއަދު 08:42 ހާއިރު ވަނީ އެއްކޮށް އަޑިއަށްގޮސްފައެވެ. މި ބޯޓު އަޑިއަށް ގޮސްފައި ވަނީ އޭދަފުއްޓާ ގާތްގަނޑަކަށް 1 މޭލު ބޭރުންނެވެ.

މި ބޯޓުން ދަތުރުކުރި މީހުން ސީ އެމްބިއުލާންސްގައި މިހާރު ދަނީ އޭދަފުއްޓަށް ދަތުރު ކުރަމުން ކަމަށް އެމްއެންޑީއެފުން މައުލޫމާތު ދެއްވައެވެ.

މި ބޯޓަށް ރާޅުއެރީ މޫސުން ގޯސްވުމާއެކު ކަނޑު ގަދަވުމުގެ ސަބަބުންނެވެ.