ދެކުނުގެ ރަށެއްގައި 11 އަހަރުގެ ކުއްޖަކަށް ޖިންސީ ގޯނާ ކުރި މައްސަލައެއް ބަލަން ފަށައިފި ކަމަށް ދިވެހި ފުލުހުންގެ ޚިދުމަތުން ބުނެފިއެވެ.

އެ އިދާރާއިން ބުނީ ސައުތު ޕޮލިސް ޑިވިޜަން (ގއ. ގދ، އައްޑޫ ސިޓީ އަދި ފުވައްމުލައް ސިޓީ) ގައި ހިމެނޭ އަތޮޅެއްގައި 11 އަހަރުގެ އަންހެން ކުއްޖަކަށް ޖިންސީ ގޯނާ ކޮށްފައިވާ މައްސަލައެއް ރިޕޯޓުކޮށްފައިވާ ކަމަށެވެ. އަދި އެ ރިޕޯޓުކޮށްފައިވަނީ ރޭ 11:02 ހާއިރު ކަމަށެވެ.

Ad
rt

މި މައްސަލައާ ގުޅިގެން ކޯޓު އަމުރެއްގެ ދަށުން އުމުރުން 63 އަހަރުގެ ފިރިހެނަކާއި 25 އަހަރުގެ ދިވެހި ފިރިހެނެއް މިހާރުވަނީ ހައްޔަރުކޮށްފައިވާ ކަމަށް ވެސް ފުލުހުން ބުނެއެވެ.

ފުލުހުން ބުނީ މި މައްސަލަ އިތުރަށް ބަލަމުން އަންނަކަމަށެވެ.