ރައީސް އިބްރާޙީމް މުހައްމަދު ޞާލިޙްގެ ނަންފުޅުގައި ސައްހަނޫން އިންސްޓަގްރާމް އެކައުންޓެއް ހިންގާތީ ސަމާލުވުމަށް ރައީސް އޮފީހުން އެދިއްޖެއެވެ.
މިކަމަށް ސަމާލުވުމަށް އެދި ރައީސް އޮފީހުގެ ތަރުޖަމާނު މިއުވާން މުޙައްމަދު ކުރެއްވި ޓްވީޓެއްގައި ވިދާޅުވީ، ރައީސްގެ ނަންފުޅުގައި ސައްހަނޫން އިންސްޓަގްރާމް އެކައުންޓެއް ހިންގަމުންދާކަން ސަމާލުކަމަށް އައިސްފައިވާ ކަމަށެވެ.
އެ އެކައުންޓަކީ ރައީސް އެންޑޯޒްކުރައްވާ ނުވަތަ ބޭނުންފުޅު ކުރައްވާ އެކައުންޓެއް ނޫން ކަމަށް ވެސް ތަރުޖަމާނު ވަނީ ވިދާޅުވެފައެވެ.
ތަރުޖަމާނު ވިދާޅުވިގޮތުގައި ރައީސް ޞާލިޙްގެ އިންސްޓަގްރާމް އެކައުންޓަކީ 'ibusolih' އެވެ. އަދި '_ibusolih' ގެ ނަމުގައި ހިންގަނީ ފޭކު އެކައުންޓެއް ކަމަށް ވަނީ ވިދާޅުވެފައެވެ.
Attn: An Instagram account impersonating President @ibusolih has been identified. Please be advised that this account is not endorsed by the President in any way.
❌ Fake: https://t.co/qVJhogdFFv
✅ Real: https://t.co/Ep46nRFsud pic.twitter.com/U0GXH8jQPR— Miuvaan Mohamed (@MvSpokesperson) April 10, 2023
ރައީސްގެ ނަންފުޅުގައި ހިންގާ ފޭކު އިންސްޓަގްރާމް އެކައުންޓް މިހާތަނަށް 10 ހާހަށްވުރެ ގިނަ މީހުން ފްލޯކޮށްފައިވާއިރު، އެ އެކައުންޓުން ވަނީ 1572 މީހުން ފްލޯކޮށްފައެވެ. އަދި 90 އަށްވުރެ ގިނަ ޕޯސްޓްކޮށްފަވެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!