ވިސާއާ ނުލާ މޮރޮކޯ އަށް ދެވޭ ގޮތް ހަދަން އެއްބަސްވުމެއްގައި ސޮއިކޮށްފި އެވެ.
އެ އެއްބަސްވުމުގައި ދިވެހި ސަރުކާރުގެ ފަރާތުން ސޮއި ކުރެއްވީ ރަސްމީ ދަތުރުފުޅެއްގައި މިވަގުތު މޮރޮކޯގައި ހުންނެވި ފޮރިން މިނިސްޓަރު އަބްދުﷲ ޝާހިދު އެވެ. މޮރޮކޯ ސަރުކާރުގެ ފަރާތުން އެ އެއްބަސްވުމުގައި ސޮއި ކުރެއްވީ އެގައުމުގެ ފޮރިން މިނިސްޓަރެވެ.
Delighted to sign Visa Waiver agreement with the Kingdom of Morocco. This will pave the way for Maldivians to travel to Morocco without visas from 31st January 2020. Another momentous milestone for Maldives-Morocco relations. @MarocDiplomatie pic.twitter.com/7byR6Ct1SC
— Abdulla Shahid (@abdulla_shahid) November 15, 2019
އެއްބަސްވުމުގައި ސޮއިކުރެއްވުމަށްފަހު މިނިސްޓަރު ޝާހިދު ކުރެއްވި ޓްވީޓެއްގައި ވިދާޅުވީ މި އެއްބަސްވުމަށް އަމަލުކުރަން ފަށާނީ އަންނަ އަހަރުގެ ޖެނުއަރީ މަހުގެ 31 އިން ފެށިގެން ކަމަށެވެ. އަދި މިއީ ރާއްޖެ އާއި މޮރޮކޯގެ ގުޅުމަށް ލިބިގެން ދިޔަ އިތުރު ކުރިއެރުމެއް ކަމަށްވެސް މިނިސްޓަރު ވިދާޅުވިއެވެ.
މިނިސްޓަރު ޝާހިދު މޮރޮކޯ އަށް ވަޑައިގެންފައިވާއިރު މިއީ ދިވެހިރާއްޖޭގެ ޚާރިޖީ ވަޒީރަކު މޮރޮކޯއަށް ކުރައްވާ ފުރަތަމަ ރަސްމީ ދަތުރުފުޅެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!