އިންޑޮނޭޝިއާ އަށް 7.1 މެގްނެޓިއުޑްގެ ބިންހެލުމެއް އައިސް ސުނާމީގެ އިންޒާރު ބައެއް ސަރަހައްދުތަކަށް ނެރެފިއެވެ. އެހެންނަމަވެސް މި ސުނާމީގެ ނުރައްކަލެއް ދިވެހިރާއްޖެއަކަށް ނެތެވެ.
ސުނާމީގެ އިންޒާރު ނެރެފައިވަނީ ބިންހެލުން އައި ސަރަހައްދާއި 300 ކިލޯމީޓަރުގެ ސަރަހައްދަށެވެ. ބިންހެލުން އައި ސަރަހައްދާއި މާލެ އާއި ދެމެދު 5875 ކިލޯމީޓަރުގެ ދުރުމިން އެބަހުރިކަމަށް ރާއްޖޭގެ މޫސުމާއި ބެހޭ އިދާރާއިން ވަނީ ހާމަކޮށްފައެވެ.
— Maldives Meteorology (@MetMaldives) November 14, 2019
ބިންހެލުން އައިސްފައި ވަނީ އިންޑޮނޭޝިއާގެ އުތުރު މޮލުކޫ ކަނޑުގެ ސަރަޙައްދަށެވެ. އެމެރިކާގެ ޖިއޮލޮޖިކަލް ސާވޭ އިން ބުނާ ގޮތުގައި ބިންހެލުން އައިސްފައި ވަނީ ކަނޑުގެ 62 ކިލޯމީޓަރު އަޑިއަށެވެ.
ސުނާމީގެ އިންޒާރު ނެރުނުނަމަވެސް މިހާރު އިންޑޮނޭޝިއާގެ މޫސުމާއި ބެހޭ އިދާރާއިން ހާމަކޮށްފައިވަނީ މިހާރު ބުނެފައިވަނީ ގެއްލުން ބޮޑު ސުނާމީއެއް އުފެދުމުގެ ފުރުސަތެއް މިހާރު ނެތްކަމަށެވެ.