މާލޭ ސިޓީގެ ގެއެއްގައި ވަޅުލާފައި ހުރި 42 ކިލޯގެ މަސްތުވާތަކެތި ފުލުހުން ހޯދައިފިއެވެ.
ކޮމިޝަނަރ އޮފް ޕޮލިސް މުޙައްމަދު ހަމީދު މިއަދު ކުރެއްވި ޓުވީޓެއްގައި ވިދާޅުވީ، ފުލުހުންގެ ޑްރަގް އެންފޯސްމެންޓް އެންޑް ނާކޮޓިކްސް އިންޓެލިޖެންސުން އިއްޔެއިން ފަށައިގެން މާލޭގައި ކުރިއަށްގެންދާ އޮޕަރޭޝަނެއްގައި ގެއެއްގެ ތަޅުންގަނޑު ދަށުގައި ވަޅުލާފައި ހުއްޓާ 42 ކިލޯގެ މަސްތުވާތަކެތި އަތުލައިގެންފައިވާ ކަމަށެވެ.
މިތަކެތި އަތުލާފައި ވަނީ މާލެ ސިޓީގެ މާފަންނުގައި ހުންނަ ގެއަކުންނެވެ. މި މައްސަލާގައި އެކަކު ވަނީ ހައްޔަރުކޮށްފައެވެ.
ސީޕީގެ ޓްވީޓުން ފެންނަ ގޮތުގައި އެތަކެތި އަތުލައިގެންފައި ވަނީ ތަޅުން ގަނޑުގައި ހުރި ވަޅުގަނޑެއްގެ ތެރެއިންނެވެ. އެ ވަޅު ހުރީ ބިމުގެ އެތެރެއަށް ވާހެން ރާނާފައެވެ.
Since yesterday, Drug Enforcement & Counter Narcotics Intelligence of @PoliceMv have been conducting a search operation in Male’. Found & seized approximately 42 kgs of heroin hidden under a false flooring in a house in Maafannu. Arrested one person and investigation continues. pic.twitter.com/dMcEQmwbIS
— Mohamed Hameed (@M_Hameedh) March 25, 2022
ފަހަކަށް އައިސް ފުލުހުން ގެންދަނީ ގިނަ އަދަދެއްގެ މަސްތުވާތަކެތި އަތުލައިގަންނަމުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!