ސާފް ޗެމްޕިއަންޝިޕުގެ ކޯ ސްޕޮންސަރުންގެ ގޮތުގައި އެސްޓީއޯ އާއި އެމްޑަބްލިއުއެސްސީ ހަމަޖައްސައިފިއެވެ.

އިއްޔެ ގަލޮޅު ސްޓޭޑިއަމްގައި ބޭއްވި ރަސްމިއްޔާތެއްގައި މި އެއްބަސްވުމުގައި ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ފަރާތުން ސޮއި ކުރެއްވީ އެ އެސޯސިއޭޝަނުގެ ރައީސް ބައްސާމް އަދީލް ޖަލީލެވެ. އަދި އެމްޑަބްލިއުއެސްސީގެ ފަރާތުން އެ ކުންފުނީގެ މެނޭޖިން ޑިރެކްޓަރު ހަސަން ޝާހު ސޮއި ކުރެއްވި އިރު އެސްޓީއޯގެ ފަރާތުން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު ހުސައިން އަމްރެވެ.

Ad
rt

އެފްއޭއެމުން ވަނީ މުބާރާތުގެ ލޯކަލް އޯގަނައިޒާސް ކިޓް ޕާޓްނަރަކާއި އިންޝުއަރެންސް ޕާޓްނަރެއްގެ އިތުރުން ބެވެރޭޖް ޕާޓްނަރެއް ވެސް ހަމަޖައްސައި އިއްޔެ އެއްބަސްވުމުގައި ސޮއިކޮށްފައެވެ.

އިންޝުއަރެންސް ޕާޓްނަރެއްގެ ގޮތުގައި އެލައިޑް އިންޝުއަރެންސް ހަމަޖެއްސިއިރު ބެވެރޭޖް ޕާޓްނަރަކަށް ހަމަޖެއްސީ ކޮކާކޯލާއެވެ.

މީގެ ކުރިން މުބާރާތުގެ ޓައިޓަލް ސްޕޮންސަރަކަށް އުރީދޫ މޯލްޑިވްސް ވަނީ ހަމަޖައްސައިފައެވެ.

ސާފް ޗެމްޕިއަންޝިޕް ފަށާނީ އަންނަ މަހުގެ އެއްވަނަ ދުވަހުއެވެ.