އުރީދޫގެ 5ޖީ ހޯމް ބްރޯޑްބޭންޑް، އެއާ ފައިބާ ޕެކޭޖުތަކަށް ބޮޑެތި ބަދަލުތަކެއް ގެނެސްފިއެވެ.

މި ބަދަލާއެކު އެއާ ފައިބަ ޕެކޭޖުތަކުގެ ސްޕީޑް ވެސް ކުރިއަށް ވުރެ އަވަސްވާނެއެވެ.

Ad
rt

މިއީ ހައި ސްޕީޑް އިންޓަނެޓް އަގުހެޔޮކޮށް ފޯރުކޮށްދިނުމަށް އުރީދޫން ކުރަމުން އަންނަ މަސައްކަތްތަކުގެ ދަށުން ގެނައި ބަދަލެއް ކަމަށް އެ ކުންފުނިން ބުންޏެވެ. އެގޮތުން، 5ޖީ އެއާފައިބައާއެކު، ހައި ސްޕީޑުގެ އިތުރުން އިންޓަނެޓާ ކަނެކްޓް ކުރުމުގައި ދިމާވާ ލަސްތައް ވެސް އެތައް ގުނައަކަށް ކުޑަވާނެ ކަމަށް އެ ކުންފުނިން ބުންޏެވެ.

5ޖީ އެއާ ފައިބަ ޕެކޭޖުތަކަށް ގެނައި ބަދަލު:

- 749ރ. ގެ ޕެކޭޖު: 300ޖީބީ/ ތްރޮޓަލް ސްޕީޑް: 2އެމްބީޕީއެސް

- 999ރ. ގެ ޕެކޭޖު: 500ޖީބީ/ ތްރޮޓަލް ސްޕީޑް: 2އެމްބީޕީއެސް

- 1499ރ. ގެ ޕެކޭޖު: 750ޖީބީ/ ތްރޮޓަލް ސްޕީޑް: 2އެމްބީޕީއެސް

- 1999ރ. ގެ ޕެކޭޖު: 1024ޖީބީ/ ތްރޮޓަލް ސްޕީޑް: 5އެމްބީޕީއެސް

- 2999ރ. ގެ ޕެކޭޖު: 1536ޖީބީ/ ތްރޮޓަލް ސްޕީޑް: 5އެމްބީޕީއެސް

- 5999ރ. ގެ ޕެކޭޖު: 4000ޖީބީ/ ތްރޮޓަލް ސްޕީޑް: 5އެމްބީޕީއެސް

މިހާރު ތިިބި ކަސްޓަމަރުންނާއި އަލަށް އެއާ ފައިބަ ނަގާ ކަސްޓަމަރުން ނަގާ ޑިވައިސް އަށް ހާއްސަ އޮފާއަކާއެކު ހަލުވި ސްޕީޑާއެކު މި ޕެކޭޖުތަކުގެ ބޭނުން ހިފޭނެ ކަމަށް އުރީދޫން ބުންޏެވެ. މި ޕެކޭޖުތައް ބޭނުންކޮށްގެން އޮންލައިން ކްލާސްތައް ކުރިއަށް ގެންދިއުމާއި ފިލްމާއި ޝޯތައް ކުޑަ ވަގުތުކޮޅެއްގެ ތެރޭގައި ޑައުންލޯޑް ކުރެވޭނެއެވެ.

މީގެ އިތުރުން ހައި ސްޕީޑް އިންޓަނެޓާއި ލޯ ލޭޓެންސީގެ ސަބަބުން ގޭމް ކުޅޭ މީހުންނަށް ވެސް ބުރޫ އެރުމެއް ނެތި އެކަން ކުރުމުގައި ދައްޗެއް ކުރިމައްޗެއް ނުވާނެއެވެ.

އުރީދޫން ވަނީ އެ ކުންފުނީގެ 5ޖީ އެއާ ފައިބަ ދުރު ރަށްރަށާއި ގޭގައި މަސައްކަތް ކުރާ ކުދި އަދި މެދުފަންތީގެ ވިޔަފާރިތަކަށް ފަސޭހަކަމާއެކު ފޯރުކޮށްދިނުމުގެ ގޮތުން އެއް އަހަރު ދުވަހުގެ އެއްބަސްވުމަކާއެކު ޑިވައިސް ޕްލޭނެއް ވެސް ތައާރަފު ކޮށްފައެވެ.