އުކުޅަހުގައި އޭޓީއެމްގެ ޚިދުމަތް ބީއެމްއެލްއިން ދޭންފަށައިފި

ބޭންކް އޮފް މޯލްޑިވްސް (ބީއެމްއެލް) އިން އަތޮޅުތެރޭގައި ކުރަމުންދާ އިންވެސްޓްމަންޓް އިތުރަށް ފުޅާކުރުމުގެ ގޮތުންނާއި މުޖުތަމައަށް ފޯރުކޮށްދޭ އެހީތެރިކަމުގެ ދަށުން އއ. އުކުޅަހުގައި އޭޓީއެމްއެއް ޤާއިމްކޮށް ޚިދުމަތް ދޭންފަށައިފިއެވެ.

ބީއެމްއެލް އިން ބުނީ، މި ހިދުމަތް މެދުވެރިކޮށް، އުކުޅަހުގެ އަމިއްލަ ފަރުދުންނާއި ވިޔަފާރިތަކަށް 24 ގަޑިއިރު ފައިސާ ޖަމާކުރުމާއި ފައިސާ ދެއްކުމާއި ޓްރާންސްފާ ކުރުމުގެ ހިދުމަތް ލިބިގެންދާނެ ކަމަށެވެ.

މި އޭޓީއެމްއަކީ އެންމެ ފަހުގެ ސެކިއުރިޓީ އެކުލެވިގެން ރައްކާތެރިކަމާއިއެކު ބޭންކިންގ ހިދުމަތް ލިބިގެންދާނޭ އޭޓީއެމްއެއްކަމަށް އެބޭންކުން ބުނެއެވެ.

ބީއެމްއެލްގެ ހިދުމަތްތައް އިތުރަށް ފުޅާކުރުމަށް ކުރިއަތް އޮތް ދުވަސްތަކުގައި އިތުރު ސެލްފް ސާވިސް އޭޓީއެމްތަކާއި ބޭންކިން ހިދުމަތްތައް ތައާރަފްކުރަން ވެސް އެ ބޭންކުން ވަނީ ނިންމާފަ އެވެ.

It’s a beautiful day in A.A. Ukulhas!☀️ Today we are here to support the community with the opening of a new Self Service Banking ATM on the island. Individuals and businesses can now make cash deposits, withdrawals and transfer money conveniently at any time. #AharengeBank pic.twitter.com/JFcU0d2UPs

— Bank of Maldives (@bankofmaldives) October 29, 2020