ޤާނޫނުތަކުގެ ތެރޭގައި ތިބުމަށް ބުނުމަކީ ބަޔަކަށް ބުނެވޭ ކުޑައިމީސް ބަހެއްނޫން ކަމަށް އިލެކްޝަންސް ކޮމިޝަން (އީސީ) ގެ ނައިބު ރަައީސް އަހުމަދު އަކްރަމް ވިދާޅުވެއްޖެއެވެ.
އަކްރަމް ކުރެއްވި ޓުވީޓެއްގައި ވިދާޅުވީ، މަސްއޫލިއްޔަތު އަދާކުރުމުގައި ފަސް ނުޖެހޭނެ ކަމަށެވެ.
ބިރުދެއްކުމާއި މައިން ބަފައިންނާއި ބެހުމާއި ބޭ އަދަބީ ބަސްތަކުން އިންޒާރު ދިނުމަކީ މަސްއޫލިއްޔަތު އަދާ ކުރުމުގައި ކުޑަކޮށްވެސް ފަހަތަށް ޖެހޭނެ ކަމެއް ނޫން ކަމަށް އަކްރަމް ވިދާޅުވިއެވެ.
"ޤާނޫނުތަކުގެ ތެރޭގައި ތިބުމަށް ބުނުމަކީ ބަޔަކަށް ބުނެވޭ ކުޑައިމީސް ބަހެއްނޫން، ރިވެތި އަޚްލާގް އިސްކުރަށްވާ"
އަކްރަމް ވިދާޅުވެފައި ވެއެވެ.
Birudhekkumaai mainbafainnah behumaai beyadhabee basthakun inzaaru dhinumakee IA massooliyyath adhaakurumugai kudakoh ves fahthah jeheyne kameh noon, gaanoonu thakuge thereygai thibumah bunumakee bayakah bunevey kudaimees baheh noon. rivethi ahulaag iskurahvaa.
— Ahmed Akram (@akram4535) August 30, 2020
މި ހިނގާ އޯގަސްޓް މަހުގެ 29 ވަަނަަ ދުވަހު އަކްރަމް ވަނީ، ގާނޫނުތަކާއި ގަވާއިދުތަކާއި ހިލާފަށް ސިޔާސީ ހަރަކާތްތައް ނުބޭއްވުމަށް ހުރިހާ ޕާޓީތަކަށް އިލެކްޝަންސް ކޮމިޝަނުން އަންގާފައިވާ ކަމަށް ވިދާޅުވެފައެވެ. އަދި އެ އެންގުމާއި ހިލާފުވެފައިވާ ހުރިހާ ފަރާތްތަކާއި މެދު ފިޔަވަޅު އަޅުއްވާނެކަމަށް ވެސް އަކްރަމް ވިދާޅުވިއެވެ.
އަކުރަމް މިއަދު ޓުވީޓު ކުރަށްވާފައި ވަނީ އޯގަސްޓް މަހުގެ 29 ވަަނަަ ދުވަހު ކުރެއްވި ޓުވީޓާއި ގުޅިގެން މީސް މީޑިއާ މެދުވެރިކޮށް ބައެއް ފަރާތްތަކުން އިންޒާރުގެ މެސެޖުތައް ދެމުން އަންނާތީ ކަމަށް ބެލެވެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!