ރާއްޖެއިން ކޯވިޑް-19 ބަލީގައި 11 ވަނަ މީހަކު މަރުވެއްޖެ ކަމަށް މިރޭ އިރާކޮޅު ހެލްތު ޕްރޮޓެކްޝަން އޮތޯރިޓީ (އެޗްޕީއޭ) އަށް މައުލޫމާތު ދެވިފައި ވަނީ އޮޅުމަކުން ކަމަށް ބުނެފިއެވެ.
މިރޭ 12 ޖެހި އިރު އެޗްޕީއޭއިން ކުރި ޓްވީޓެއްގައި ބުނީ، ރާއްޖެއިން ކޯވިޑް ބަލީގައި އިންޑޮނޭޝިއާ މީހަކު މަރުވިކަށް މައުލޫމާތު ދެވުނީ އޮޅުމަކުން ކަމަށެވެ. އަދި އެމީހާ މަރުވެފައި ވަނީ ކެންސަރު ބަލީގެ ސްޓޭޖު 4 އަށް ފަރުވާ ދެމުން ދަނިކޮށް ކަމަށެވެ.
އެޗްޕީއޭއިން މިރޭ އިރާކޮޅު ކުރި ޓުވީޓެއްގައި ބުނީ ރާއްޖެއިން ކޯވިޑް-19 ބަލީގައި 11 ވަނަ މީހަކު މަރުވެއްޖެ ކަމަށެވެ. އަދި އެއީ އުމުރުން 38 އަހަރުގެ އިންޑޮނޭޝިއާ ރައްޔިތެއް ކަމަށްވެސް އެޗްޕީއޭއިން ވަނީ އެ ޓްވީޓުގައި ބުނެފައެވެ.
އެ ޓުވީޓް ކުރިތާ ވިއްސަކަށް މިނިޓްތެރޭ އެޗްޕީއޭއިން ވަނީ އެ ޓުވީޓު ޑިލީޓްކޮށްފައެވެ. އަދި ފަހުން މިވަނީ އޮޅުމަކުން ދެވުނު މަޢުލޫމާތެއް ކަމަށް ބުނެފައެވެ.
The death announced today of the 39-year-old Indonesian male has been declared a ‘non COVID19 death’.
The primary cause of death is stage 4 cancer.
Our thoughts and prayers are with the bereaved family. May Allah grant his soul eternal peace in heaven
— Health Protection Agency (@HPA_MV) July 2, 2020
ކޯވިޑް-19 ޖެހިގެން ރާއްޖެއިން މިހާތަނަށް މަރުވެފައި ވަނީ ފަސް ދިވެހީންނާއި، ބަންގްލަދޭޝްގެ ހަތަރު މީހުންނާއި ޕިލިޕީންސްގެ މީހެކެވެ. އެއާއިއެކު ރާއްޖެއިން ކޯވިޑް -19 ޖެހިގެން މަރުވި މީޙުންގެ އަދަދު މިވަނީ 10 އަށް އަރާފައެވެ.
މިބަލީގައި ރާއްޖެއިން އެންމެ ފަހުން މީހަކު މަރުވެފައި ވަނީ ރޭ ގައެވެ. ރޭ މަރުވެފައި ވަނީ ދަރުމަވަންތަ ހޮސްޕިޓަލު (ޑީއެޗް11)ގައި ފަރުވާ ދެމުން ދިޔަ އުމުރުން 92 އަހަރުގެ ދިވެއްސަކެވެ.
ރާއްޖެއިން ކޯވިޑް-19 އަށް ޕޮޒިޓިވްވި 2400 މީހަކު މިހާތަނަށް ވަނީ ފެނިފައެވެ. އޭގެ ތެރެއިން 1969 މީހަކު ވަނީ ބަލިން މުޅިން ރަނގަޅުވެފައެވެ. މިވަގުތު މިބައްޔަށް ފަރުވާކުރެވެމުން ދަނީ 415 މީހުންނަށެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!