ރާއްޖޭގެ ވިޔަފާރިތައް ނެތިދިއުމުގެ ބިރު ބޮޑުވެ އެތައް ހާސް އާއިލާއެއް ނިކަމެތިވެ ހާލުގައިޖެހޭ ފަރާތްތަކަށް އަވަސް ލުޔެއް ހޯދައިދިނުމުގެ ގޮތުން “ކޯވިޑް19 ގެ އެހީތެރި ކަމުގެ ބިލު”ގެ ނަމުގައި މިއަދު މަޖިލިސްއަށް ބިލެއް ހުށައަޅައިފިކަމަށް ރައްޔިތުން މަޖިލީހުގެ މާވަށު ދާއިރާގެ މެންބަރު އަދި ޕީއެންސީގެ ނައިބުރައީސް މުޙައްމަދު ސަޢީދު ވިދާޅުވެއްޖެއެވެ.
ސައީދު ކުރެއްވި ޓުވީޓެއްގައި އިތުރަށް ބުނެފައިވަނީ ޕެންޝަން ފަންޑުގެ ޙައްޤުވެރިންނަށް ފައިސާ ދޫކުރުމާއި، ގޭކުއްޔަށް ލުއިދިނުމާއި، ޓޫރިޒަމްގެ ސިނާއަތުން ވަޒީފާ ގެއްލުނު އެތައް ހާސް މުއައްޒިފުންގެ ވަޒީފާ ޔަޤީން ކުރުމާއި އެކު، ޓޫރިޒަމް ސިނާއަތުގެ ބިމުކުއްޔަށް ސެޑިއުލްއެއް އެކަށަ އެޅުމާއި، ސްޓޫޑެންޓް ލޯން ފަސްކުރުމަށް އެ ބިލުގައި ހިމަނާފައިވާނެކަމަށެވެ.
ކުދި ވިޔަފާރި ތަކުގެ ޓެކްސް ފައިލް ކުރުމުގައި ލުއި ގޮތްތަކެއް ހޯދުމާއި، ދަންޑުވެރިންނާއި މަސްވެރިންނަށް ލުއި ގޮތްތަކެއް ހޯދައި ދެވޭނެ އިންތިޒާމް ފަހިވުން ހިމެނޭ މި ބިލް، މަޖިލިސްއަށް ބަލައިގަންނާނެ ކަމަށް އުއްމީދު ކުރައްވާކަމަށް ސައީދު ބުނެފައިވެއެވެ.
2/3. Pension fund ge haggu verinnah faisaa dhookurumaai, geykuyyah luidhinumaai, tourism ge sinaa athun vazeefaa gellunu ethah haas muazzifunge vazeefaa yageen kurumaai eku, tourism sinaathuge bimukuyyah schedule eh ekasha elhumaai, student loan faskurumaai,
— Mohamed Saeed (@em_saeed) May 5, 2020
ކޯވިޑް 19އާ ގުޅިގެން ރާއްޖޭގެ އިގުތިސާދަށް ކުރިމަތިވެފައިވާ ހީނަރުކަމުން އަރައިގަތުމަށް ސަރުކާރުން އިއުލާނުކުރި އިގުތިސާދީ ޕެކޭޖަކީ އެއްވެސް އޮއްޓަރެއް ހުރި ޕެކޭޖެއް ނޫން ކަމަށް ސައީދު ވަނީ މީގެ ކުރިން ވިދާޅުވެ ސަރުކަރަށަ ފާޑުކިއުން އަމާޒުކޮށްފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!