މަޝްހޫރު އޮންލައިން ބިޒްނަސް ޗެއިން އަލީބާބާގެ ފައުންޑަރު ޖެކް މާ އާއި ޗައިނާގެ އެކި ފަރާތްތަކުން ކޯވިޑް-19އާ ގުޅިގެން ރާއްޖެ އަށް ފޯރުކޮށްދޭ އެހީތައް ގެނައުމުގެ މަސައްކަތް ފަށާފައިވާ ކަމަށް ރާއްޖޭގައި ހުންނަވާ ޗައިނާގެ ސަފީރު މިއަދު ވިދާޅުވެއްޖެ އެވެ.
ޗައިނާއިން ރާއްޖެއަށް ކަނޑައަޅާފައިވާ ހުންނަވާ ސަފީރު ޖަންގް ލިޖޮންގް ކުރެއްވި ޓުވީޓެއްގައި ވިދާޅުވީ ރާއްޖެ އަށް އެހީވާން ނިންމާފައިވާކަން ޖެކް މާ ހާމަކުރެއްވުމާ އެކު، އެ ތަކެތި ގެނައުމުގެ މަސައްކަތް ފަށާފައިވާ ކަމަށެވެ.
ސަފީރު ވިދާޅުވި ގޮތުގައި، ރާއްޖެ އަށް އެހީވުމުގައި ޖެކް މާގެ އިތުރުން ޗައިނާގެ ހަ ކުންފުންޏަކާއި ގުއަންޒީ ސިޓީންނާއި އެ ގައުމުގެ ފޮރިން މިނިސްޓްރީން ވެސް ބައިވެރިވެ އެވެ.
The flight on the way.
Special time requires extra effort.
Ever since the announcement of @JackMa, the Embassy has stepped in to coordinate. Then 6 more enterprises, local Gov. of Guangxi(sister city of Male), MFA of China joined the donation.
Good things need patience. https://t.co/mQ4ugTUS3t
— Chinese Embassy in Maldives (@ChinaEmbassyMV) May 2, 2020
އޭޝިއާގެ އެންމެ މުއްސަނދި މީހާ ކަމުގައިވެސް ހިމެނޭ ޖެކް މާ ހަދިޔާ ކުރައްވާ ތަކެތީގެ ތެރޭގައި ހިމެނެނީ މާސްކާއި ޓެސްޓު ކިޓާއި ހަޒްމަޓް ސޫޓާއި ވެންޓިލޭޓަރާއި ތާމޯމީޓަރެވެ. އޭނާ މިތަކެތި ހަދިޔާ ކުރަން ނިންމައި، އެކަން ހާމަކުރީ މިއަހަރުގެ މާރިޗް 21 ވަނަ ދުވަހުއެވެ.
ކޯވިޑް-19 ގެ މިހާލަތުގައި ރާއްޖެއަށް އެހީތެރިވުމުގެ ގޮތުން 800 މީހުންގެ ވަގުތީ ކަރަންޓީނު ފެސިލިޓީއެއް ގާއިމްކޮށް ދޭންވެސް ޗައިނާއިން ވަނީ ނިންމައިފައެވެ. މި ކަރަންޓީނު ފެސިލީޓީގެ މަސައްކަތަށް ސަމާނާއި ވަސީލަތްތަކާއެކު ރާއްޖެއަށް 100 މީހުން ގެންނަން ވަނީ ނިންމާފައި ވާ ކަމަށް ޗައިނާ ސަފީރު ވަނީ ހުސްވި އޭޕްރިލް މަހުގެ 27 ވަނަ ދުވަހު ވިދާޅުވެފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!