ކޮވިޑް-19: ބަލި ޖެހުނުމީހުންގެ ޢަދަދު 1.9 މިލިއަނުން މައްޗަށް

އަލީ އާދިލް 14 އެޕްރީލް 2020 07:31

ޚުލާޞާ

ހަލުވިކަމާއިއެކު ފެތުރެމުންދާ ކޮވިޑް-19 ނުވަތަ ކޮރޯނާ ވައިރަސް ޖެހުނު މީހުންގެ އަދަދު 1.9 މިލިއަނަށްވުރެ މައްޗަށް އަރައިފިއެވެ. މިހާތަނަށް މިބަލި ވަނީ ދުނިޔޭގެ 1,924,288 މީހުންނަށް ޖެހިފައެވެ. މިބަލި ފެތުރޭ ބާރުމިނަށް ބަލާއިރު، މިރޭ ނުވަތަ މާދަމާ މި ޢަދަދު ދެ މިލިއަނަށް އަރާނެ ކަމަށް ލަފާ ކުރެވެއެވެ. އިއްޔެ ބަލި ބަލި ޖެހުނު މީހުންގެ ޢަދަދަށް ލައްކައެއް އިތުރުވި އިރު، މިއީ ޖެހި ޖެހިގެން ލައްކައެއް އިތުރުވި 4 ވަނަ ދުވަހެވެ. މިބަލި އިއްޔެ އެކަނިވެސް […]

މިބަލި ފެތުރޭ ބާރުމިނަށް ބަލާއިރު، މިރޭ ނުވަތަ މާދަމާ މި ޢަދަދު ދެ މިލިއަނަށް އަރާނެ ކަމަށް ލަފާ ކުރެވެއެވެ. އިއްޔެ ބަލި ބަލި ޖެހުނު މީހުންގެ ޢަދަދަށް ލައްކައެއް އިތުރުވި އިރު، މިއީ ޖެހި ޖެހިގެން ލައްކައެއް އިތުރުވި 4 ވަނަ ދުވަހެވެ.

މިބަލި އިއްޔެ އެކަނިވެސް 71,589 މީހުންނަށްވަނީ ޖެހިފައެވެ. މިބަލީގައި އިއްޔެ 5,423 މީހުންވަނީ މަރުވެފައެވެ.

ކޮވިޑް-19 ދުނިޔެ ،14 އޭޕްރިލް 2020، ދިވެހިރާއްޖެ ގަޑި، ހެނދުނު 6:00 (މައުލޫމާތު ހިމެނި ތާރީޚާއި ވަގުތު)

ފައްސިވި މީހުންގެ ޢަދަދު: 1,924,288
މަރުވި މީހުންގެ ޢަދަދު: 119,654
ރަނގަޅުވި މީހުންގެ ޢަދަދު: 444,832

ކޮވިޑް-19 ޖެހޭ ނިސްބަތް އިތުރުވަމުން ދާ ގޮތް

2020 ޖެނުއަރީ 19، 100 މީހުން
2020 ޖެނުއަރީ 24، 1،000 މީހުން
2020 ފެބްރުއަރީ 12، 50،000 މީހުން
2020 މާރިޗް 6، 100،000 މީހުން
2020 މާރިޗް 18، 200،000 މީހުން
2020 މާރިޗް 21، 300،000 މީހުން
2020 މާރިޗް 24، 400،000 މީހުން
2020 މާރިޗް 28، 600،000 މީހުން
2020 މާރިޗް 29، 700،000 މީހުން
2020 މާރިޗް 31، 800،000 މީހުން
2020 އޭޕްރިލް 1، 900،000 މީހުން
2020 އޭޕްރިލް 2، 1،000،000 މީހުން
2020 އޭޕްރިލް 3، 1،100،000 މީހުން
2020 އޭޕްރިލް 4، 1،200،000 މީހުން
2020 އޭޕްރިލް 6، 1،300،000 މީހުން
2020 އޭޕްރިލް 8، 1،500،000 މީހުން
2020 އޭޕްރިލް 10، 1،600،000 މީހުން
2020 އޭޕްރިލް 11، 1،700،000 މީހުން
2020 އޭޕްރިލް 12، 1،800،000 މީހުން
2020 އޭޕްރިލް 13، 1،900،000 މީހުން

އެމެރިކާ

މިބަލި ކޮންޓްރޯލް ނުވެ އެންމެ ބާރު މިނެއްގައި ފެތުރެނީ އެމެރިކާގައިއެވެ. އެންމެ ގިނަ މީހުނަށް ބަލިޖެހި، މަރުވީވެސް އެ ޤައުމުންނެވެ. މިބަލި ބާރު މިނުނުގައި ފެތުރުނު ޔޫރަޕްގެ ގިނަ ޤައުމުތަކުގައި ކޮންމެވެސް މިންވަރަކަށް ބަލި ވަނީ ކޮންޓްރޯލު ކުރެވިފައެވެ.

އިއްޔެ އަލަށް އެމެރިކާގައި ބަލި ޖެހުނު މީހުންގެ ޢަދަދު: 26,641
އިއްޔެ އަލަށް އެމެރިކާގައި ބަލީގައި މަރުވި މީހުންގެ ޢަދަދު: 1,535
އިއްޔެގެ ނިޔަލަށް އެމެރިކާގައި ބަލި ޖެހުނު މީހުންގެ ޢަދަދު: 586,941
އިއްޔެގެ ނިޔަލަށް އެމެރިކާގައި ބަލީގައި މަރުވި މީހުންގެ ޢަދަދު: 23,640
އިއްޔެގެ ނިޔަލަށް އެމެރިކާގައި ބަލިން ރަނގަޅުވި މީހުންގެ ޢަދަދު: 36,948

2019 ވަނަ އަހަރު ޑިސެމްބަރުމަހު ފަހުކޮޅު ޗައިނާގެ ވޫހާން ސިޓީގެ މާރުކޭޓަކުން ފެތުރެންފެށި މިވައިރަސް ދުނިޔޭގެ 210 ޤައުމަށާއި، ސަރަހައްދަށް މިހާރު ވަނީ ފެތުރިފައެވެ.