ހިމަބިހި ފެނުނީ މާލޭ ސިޓީ އިން، ދިވެއްސެއްގެ ގައިން: ޑރ ފައިސަލް

ހިމަބިހި ފެނުނީ މާލޭ ސިޓީ އިން، ދިވެއްސެއްގެ ގައިން ކަމަށް ޑޮކްޓަރު އަހުމަދު ފައިސަލް ވިދާޅުވެއްޖެއެވެ.

ހިމަބިހި ފެނުނީ މާލޭ ސިޓީ އިން https://t.co/9kUaOKkvYd

Ad

— Ahmed Faisal (@Faisalnaifaru) January 10, 2020

ކުޑަކުދިންގެ ހާއްސަ ޑޮކްޓަރު އަހުމަދު ފައިސަލް މިއަދު ކުރެއްވި ޓުވީޓެއްގައި ވިދާޅުވީ ހުމާއި އެކު ބިހި ނަގާމަ ހިމަބިއްސަށް ޓެސްޓު ކުރަން ޖެހޭނެކަމަށެވެ.

Measles is fast. We need to be faster
We need technical people to run such an important program. Just one support staff in Immunization @HPA_MV is not enough. @presidencymv @cscmaldives https://t.co/WCoJRzET6k

— Ahmed Faisal (@Faisalnaifaru) January 10, 2020

• ‏މި ވަގުތަށް :
  ‏ވެކްސިންޕުރޮގްރާމް ހިންގަން އެކަށޭނަ މީހުން ހޯދުން
• ‏އިތުރު މީހަކު ފެނިއްޖެނަމަ އެހެންމީހުންނާ ވަކިން ބޭއްވޭނެގޮތް
• ‏ހުމާއި ބިހިނަގާ އެންމެން ހިމަބިއްސަށް ޓެސްޓު ކުރުން
• ‏އެންމެން ވެކްސިން ހަމަކުރުން
• ‏ބަލިމީހާއަށް ހުށަހެޅުނު އެންމެންގެ ކިބައިން އަލާމާތް ފެނޭތޯ ބެލުން

ޑޮކްޓަރު އަހުމަދު ފައިސަލް މިއަދު ކުރެއްވި އިތުރު ޓުވީޓެއްގައި ވިދާޅުވެފައިވެއެވެ.

ދޮޅު އަހަރަށްފަހު ރާއްޖެއިން ހިމަބިހި ފެނިފައިވާކަމަށް ޑޮކްޓަރު އަހުމަދު ފައިސަލް އެންމެ ފުރަތަމަ ވިދާޅުވެފައިވަނީ މިމަހުގެ 9 ވަނަ ދުވަހުއެވެ.

އަހުމަދު ފައިސަލް ވިދާޅުވީ ދޮޅު އަހަރަށްފަހު ރާއްޖޭންވެސް ހިމަބިހި ފެނިއްޖެކަމަށާއި، ދަރިފުޅުގެ ވެކްސިން ކާޑު ޗެކް ކުރަށްވައި، ހަނދާންނެތިގެންވެސް ނުޖެހި ހުރި ވެކްސިންތައް ހަމަކުރެއްވުމަށް އެދި ލައްވާފައިވާއިރު ވެކްސިން ނުޖަހާ ހުއްޓާ އެއިން ރައްކާތެރިކޮށްދޭ ބައްޔެއް ޖެހިއްޖެނަމަ އެ ކޮންޓުރޯލް ކުރެވޭނޭ ގޮތްތައް ރާއްޖޭގައިވެސް މަދުވާނެ ކަމަށް ޑޮކްޓަރު ފައިސަލް ވިދާޅުވެފައި ވެއެވެ.

ޑޮކްޓަރު ފައިސަލް މިގޮތަށް ޓުވީޓު ކުރެއްވީ ސީއެންއެން އިން ޑަބްލިއުއެޗްއޯ އާއި ހަވާލާދީ ކޮންގޯ އިން ހިމަބިހިޖެހިގެން 6000 އަށް ވުރެ ގިނަމީހުން މަރުވެފައިވާކަމަށް ބުނެފައިވާ ޚަބަރެއް ޝެއާ ކުރައްވާފައެވެ.

ޑޮކްޓަރު ފައިސަލްވަނީ ހުސްވި އަހަރުގެ ނޮވެމްބަރު މަހުގެ 26 ވަނަ ދުވަހު ރާއްޖެގައަށް ހިމަބިހި އަޔަ ނުދިނުމަށް އަވަސްވެ ފިޔަވަޅު އެޅުމަށްވެސް ގޮވާލައްވާފައެވެ. އެދުވަހު ޑޮކްޓަރު ފައިސަލް ކަމާބެހޭ ފަރާތްތައް ސަމާލުވުމަށް އެދިލައްވައި ކުރެއްވި ޓުވީޓެއްގައި ވަނީ ރާއްޖެއަށް ހިމަބިހި އެތެރެ ނުވުމަށްޓަކައި، ރާއްޖޭގައި މަސައްކަތްކުރާ ބޭރުގެ މަސައްކަތްތެރިންނަށް ހިމަބިހީގެ ވެކްސިން ޖަހަންވާނީ ލަފާދީފައިކަމަށެވެ. އަދި ހިމަބިހިނެތް ގައުމެއްގެ ގޮތުގައި ދެމިއޮވެވޭނީ މިކަން ކޮށްގެންކަމަށާއި، ރާއްޖެ ވަށައިގެންހުރި ހުރިހާގައުމެއްގައި ހިމަބިހި އުޅޭކަމުގެ އިންޒާރު އެދުވަހު ޑޮކްޓަރު ދެއްވިއެވެ. އެ ޓުވީޓުގައި އިމިގްރޭޝަނާއި ރައީސް އޮފީސް ޓެގް ކުރައްވާފައި ވެއެވެ.

”ކޮންޓުރޯލް ކުރެވޭނެ ހަމައެކަނި ގޮތަކީ މީސްލްސް،MR ، MMR މިއިން ކޮންމެވެސް އެއްޗެއްގެ 2 ޑޯޒް ހަމަކޮށްފައިހުރުން ހިމަބިހި ޖެހިފައި ހުރި މީހަކު ތަނެއްގައި މަޑުކޮށްލައިގެން އިނދެފައި ދިޔަޔަސް 1 ގަޑިއިރުވަންދެން އެ ވައިރަސް އެތަނުގައިހުރޭ. އަދި އެތަނަށްއަންނަ އެހެންމީހުންނަށް ޖެހޭނެ “ ޑޮކްޓަރު ފައިސަލް އިތުރަށް ވިދާޅުވެފައި ވެއެވެ.

އެއްވެސް ސަބަބަކާއި ހުރެ ވެކްސިން ދޭންޖެހޭ މުއްދަތުގައި ވެކްސިން ނުދެވުނު ނަމަވެސް، ވީ އެންމެ އަވަހަކަށް ވެކްސިން ދޭ މަރުކަޒަކަށްވަޑައިގެން، ވެކްސިންގެ ޑޯޒު ފުރިހަމަ ކުރައްވާ.@MoHmv

— Health Protection Agency (@HPA_MV) January 9, 2020