އޮސްޓްރިއާއަށް މޫސުމަށް އަންނަ ނޭދެވޭ އަސަރުތައް ދައްކުވައިދިނުމުގެ ގޮތުން ތިމާވެށީގެ އެކްޓިވިސްޓުން އަޕްލޯޑްކުރި އޭއައި އުފެއްދި ފޮޓޯތަކެއް ގޫގުލް މެޕްސް ސާވިސްއިން ނަގައިފި އެވެ.
އެކްޓިވިސްޓް ގްރޫޕް ލެޓްޒްޓޭ ޖެނެރޭޝަން (ލާސްޓް ޖެނެރޭޝަން) އިން އުފެއްދި މި ފޮޓޯތަކުން ދައްކުވައިދެނީ ހިކިފައިވާ ކޯރުތަކާއި ފަޅުތަކާއި 2070 ވަނަ އަހަރު ފެންނާނެ ފަދަ ސްނޯލެސް އަލްޕައިން ޕިކްސްތަކެވެ.
ޓެކް ޖަޔަންޓުން ގޫގުލްއިން މި ފޮޓޯތައް ނައްތާލާފައިވަނީ އެ މީހުންގެ ސިޔާސަތުތަކާ ހިލާފު ކަމަށް ބުނެ މިދިޔަ ޖޫން މަހުގެ 22 ވަނަ ދުވަހު އެވެ.
ގޫގުލްގެ ތަރުޖަމާނަކު ވިދާޅުވި ގޮތުގައި ހަގީގީ ތަޖުރިބާގެ މައްޗަށް ބިނާނުވާ ނުވަތަ ލޮކޭޝަނެއް ރަނގަޅަށް ތަމްސީލު ނުކުރާ ކޮންޓެންޓް އަޅުގަނޑުމެންގެ ސިޔާސަތުތަކުން ވަރަށް ސާފުކޮށް މަނާކުރެ އެވެ.
ޑްރާމެޓިކް މުޒާހަރާގެ އަމަލުތަކަށް މަޝްހޫރު ލެޓްޒްޓެ ޖެނެރޭޝަނުގެ މަގްސަދަކީ ޗުއްޓީ ރޭވުމުގައި ގޫގުލް މެޕްސް ބޭނުންކުރާ ޓޫރިސްޓުންގެ މެދުގައި މޫސުމަށް އަންނަ ބަދަލުތަކާ މެދު ހޭލުންތެރިކަން އިތުރުކުރުމެވެ. އެ ޖަމާއަތުގެ ތަރުޖަމާނު މަރީނާ ހެގަން-ކެނަވަލް ވަނީ ގޫގުލްގެ ނިންމުމާ މެދު ކަންބޮޑުވުން ފާޅުކުރައްވައި، ކަމާބެހޭ ފަރާތްތަކާއި އާންމުކޮށް ބޮޑެތި ކުންފުނިތައް ފަދައިން މޫސުމަށް އަންނަ ކާރިސާއަށް ވެސް އެ ކުންފުނިން އިހުމާލުވެފައިވާ ކަމަށް ތުހުމަތުކޮށްފަ އެވެ.
އާންމު ޕްލެޓްފޯމްތަކުގައި އޭއައި އުފައްދާ ކޮންޓެންޓް ބޭނުންކުރުމާ ބެހޭ ގޮތުން މިހާރު ހިނގަމުންދާ ބަހުސްތަކާއި މޫސުމަށް އަންނަ ބަދަލުތަކުގެ މައްސަލަތަކަށް ސަމާލުކަން ދިނުމުގައި އެކްޓިވިސްޓުންނަށް ދިމާވާ ގޮންޖެހުންތައް މި ހާދިސާއިން ފާހަގަކޮށްލެވެ އެވެ.
ލެޓްޒްޓް ޖެނެރޭޝަނުން ވަނީ އޮންލައިންކޮށް އަދި ފިޒިކަލް ދުނިޔޭގައި ވެސް އެކްޓިވިޒަމް ކުރިއަށް ގެންދިއުމަށް ވައުދުވެފަ އެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!