ރާއްޖޭގެ ތަރައްގީގެ މަޝްރޫއުތަކަށް އަބޫދާބީ ފަންޑުގެ އެހީ ހޯދުމަށް ރާއްޖެ އާއި ޔޫއޭއީއާ ދެމެދު މަޝްވަރާކޮށްފިއެވެ.
ރަސްމީ ދަތުރުފުޅެއްގައި ރާއްޖޭގެ ފޮރިން މިނިސްޓަރު މޫސާ ޒަމީރު މިވަގުތު ހުންނެވީ ޔޫއޭއީގައެވެ. ޒަމީރުގެ މި ދަތުރުފުޅުގައި ވަނީ ބޫދާބީ ފަންޑުގެ ޑިރެކްޓާ ޖެނެރަލް ސައިފް އަލް ސުވައިދީ އާ އިއްޔެ ބައްދަލު ކުރައްވައި ދެ ގައުމުގެ ގުޅުން ބަދަހި ކުރުމާ ގުޅޭ ގޮތުން މަޝްވަރާ ކުރައްވައިފައެވެ.
Had a constructive discussion with H.E. Mohamed Saif Al Suwaidi, DG of Abu Dhabi Fund for Development #ADFD.
Conveyed appreciation for the generous support and assistance provided by the Government of #UAE to the Maldives and discussed further cooperation with the Fund. https://t.co/i9LZnq6Aj1 pic.twitter.com/YiLvK6cAPZ
— Moosa Zameer (@MoosaZameer) May 2, 2024
ފޮރިން މިނިސްޓްރީން ނެރުނު ބަޔާނެއްގައި ބުނީ މި ބައްދަލުވުމުގައި އަބޫދާބީ ފަންޑުން ރާއްޖޭގެ ތަރައްގީގެ މަޝްރޫއުތައް ހިންގުމަށް ވެދެމުން އަންނަ އެހީ ފާހަގަކޮށް ސަރުކާރުން ހިންގަން ނިންމާފައިވާ ތަރައްގީގެ ބައެއް މަޝްރޫއުތަކަށް އެ ފަންޑުގެ އެހީތެރިކަން ހޯދުމަށް ހުށަހަޅާފައިވާ ޕްރޮޕޯޒަލްތަކާ ގުޅޭ ގޮތުން ދެ ބޭފުޅުން މަޝްވަރާ ކުރެއްވި ކަމަށެވެ.
ނަމަވެސް އެ މަޝްރޫއުތަކުގެ ތަފްސީލެއް ފޮރިން މިނިސްޓްރީގެ ބަޔާނުގައި ނުދެއެވެ.
އަބޫދާބީ ފަންޑުގެ އެހީގައި މިހާރު ކުރިއަށްދާ ވެލާނާ އެއާޕޯޓާއި މާފަރު އެއާޕޯޓު ތަރައްގީ ކުރުމުގެ މަޝްރޫއު ފާހަގަކޮށް ފޮރިން މިނިސްޓްރީގެ ބަޔާނުގައި ވަނީ އެ މަޝްރޫއުތަކުގެ ސަބަބުން ރާއްޖެއަށް ފަތުރުވެރިން އަންނަ މިންވަރާއި، ބޭރުގެ އިންވެސްޓުމަންޓުތައް އިތުރުވެ، އިގުތިސާދު ވަރުގަދަ ވާނެ ކަމަށެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!