ރައީސް، ޑރ. މުހައްމަދު މުއިއްޒުގެ ހާއްސަ މެސެޖަކާ އެކު، މާލޭ ބިންވެރިންގެ ސައްލާ މިރޭ ބޭއްވުމަށް ހަމަޖެހިއްޖެއެވެ.
އެ ސައްލާ އޮންނާނީ މިރޭ 8:00 ގައި ސަލްޓަން ޕާކުގައެވެ. މި ބައްދަލުވުން ބާއްވަނީ ހުޅުމާލެ ރައްޔިތުންގެ ކޮމިޓީ އާއި މާލެ ރަށްވެހިންގެ ޖަމިއްޔާ އާއި ގުޅިފަޅު ރައްޔިތުންގެ އެސޯސިއޭޝަން އަދި ގިރާވަރު މާލެ ސިޓިޒަން އެސޯސިއޭޝަންގެ ފަރާތުންނެވެ.
އެ ހަތަރު ޖަމިއްޔާގެ ފަރާތުން ކަނޑައަޅާފައިވާ މަންދޫބު ސުނާދު ލަތީފު، ރައީސް ޑރ. މުއިއްޒާ ބައްދަލުކުރެއްވުމަށް ފަހު ލިބިވަޑައިގެންނެވި މައުލޫމާތުތައް ހިއްސާ ކުރެއްވުމަށް ހަމަޖެހިފައިވެއެވެ.
Thank you, Excellency @MMuizzu, for the invitation and for a very valuable discourse withregards to Giraavaru falhu, Gulhifalhu and HML land projects. Having resolved any misinformed communications has brought clarity for a way forward @presidencymv pic.twitter.com/k6pTWRDu3P
— Sunad Latheef (@SunaLatheef) January 18, 2024
ގިރާވަރު މާލެ ސިޓިޒަން އެސޯސިއޭޝަންގެ ނައިބު ރައީސްކަން ވެސް ކުރައްވާ ސުނާދު، ރައީސް މުއިއްޒާ ބައްދަލުކުރެއްވުމަށް ފަހު، "އެކްސް" ގައި ކުރެއްވި ޕޯސްޓެއްގައި ވިދާޅުވީ މާލޭގެ މީހުންނަށް ހުޅުމާލެ، ގިރާވަރު އަދި ގުޅީފަޅުން ދޫކޮށްފައިވާ ބިންތަކާ ގުޅޭ ގޮތުން ވަރަށް އަގުހުރި މަޝްވަރާތަކެއް ކުރެވުނު ކަމަށެވެ. އަދި ސައްހަ ނޫން ގިނަ މައުލޫމާތުތަކެއްގެ ހަގީގަތް އެ ބައްދަލުވުމުން އެނގިގެން ދިޔަ ކަމުގައި އޭނާ ވިދާޅުވިއެވެ.
ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ވަނީ ހުޅުމާލެ ދެވަނަ ފިޔަވަހިންނާއި އަލަށް ހިއްކާ ހުޅުމާލެ ތިނަކާއި ގުޅިފަޅާއި ގިރާވަރުފަޅުން 9،000 ގޯތި ދޭން ނިންމައިފައެވެ. އޭގެ ތެރެއިން ގިނަ މީހުންނަށް ރަޖިސްޓަރީ ހަވާލު ކުރިއިރު، ހުޅުމާލެ އިން ބައެއް މީހުންނަށް ބިންތައް ވެސް އޭރު ހަވާލު ކުރިއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!