ރާއްޖެ އާއި ޗައިނާއާ ދެމެދު ގާއިމު ކުރި ފްރީ ޓްރޭޑް އެގްރީމަންޓް (އެފްޓީއައި) އެއްބަސްވުން ތަންފީޒު ކުރަން ތައްޔާރަށް ހުންނެވި ކަމަށް ރައީސް އިބްރާހިމް މުހައްމަދު ސޯލިހް މިއަދު ވިދާޅުވެއްޖެއެވެ.

ރައީސް މުއިއްޒު، ޗައިނާ އަށް މިހާރު ކުރައްވަމުން ގެންދަވާ ދަތުރުފުޅާ ދިމާކޮށް ބޭއްވި ރާއްޖޭގެ ބިޒްނަސް ފޯރަމް ފެށުމުގެ ރަސްމިއްޔާތުގައި އެމަނިކުފާނު ވިދާޅުވީ އެއްބަސްވުމުގެ ދަށުން ދެ ގައުމުގެ މެދުގައި ވިޔަފާރި ފުޅާކޮށް، ހާއްސަކޮށް ރާއްޖެއިން ޗައިނާއަށް މަހުގެ ބާވަތްތައް އެކްސްޕޯޓު ކުރާ މިންވަރު އިތުރު ކުރުމަކީ މަގްސަދެއް ކަމަށެވެ. އެހެންވެ، އެ އެއްބަސްވުން ތަންފީޒު ކުރައްވަން ތައްޔާރަށް ހުންނެވި ކަމުގައި އެމަނިކުފާނު ވިދާޅުވިއެވެ.

Ad
rt

ރައީސް ވިދާޅުވި ގޮތުގައި އޭޝިއާގެ ގައުމުތަކުގެ ތެރެއިން ޗައިނާއާއެކުގައި މިނިވަން ވިޔަފާރީގެ އެއްބަސްވުމެއް ގާއިމު ކުރި ހަމައެކަނި ގައުމަކީ ރާއްޖެއެވެ.

"އެފްޓީއޭގެ މަގްސަދު ކަމަށްވާ ދެ ގައުމުގެ ދެމެދު އޮތް ވިޔަފާރީގެ ގުޅުން ވަރުގަދަކޮށް، ހާއްސަކޮށް ޗައިނާއަށް ބޭރުކުރާ ދިވެހި މަހުގެ އުފެއްދުންތައް އިތުރުކުރުމަކީ މި އެއްބަސްވުމުގެ ދަށުން އަޅުގަނޑުމެން އިސްކަންދޭ ކަމެއް. މި އެއްބަސްވުން އަވަހަށް ތަންފީޒު ކުރަން ފަށަން އަޅުގަނޑުގެ ސަރުކާރުން ތައްޔާރު،" ޗައިނާގެ ފުޖިއާން ޕްރޮވިންސްގައި ބޭއްވި ފޯރަމްގައި ރައީސް ވިދާޅުވިއެވެ.

ޗައިނާގެ 300 އަށް ވުރެ ގިނަ ކުންފުނިތަކާއި ރާއްޖޭގެ 30 އަށް ވުރެ ގިނަ ކުންފުނިތަކުގެ ވެރިން ބައިވެރިވެވަޑައިގެންނެވި ބައްދަލުވުމުގައި ރައީސް މުއިއްޒު ވިދާޅުވީ ރާއްޖޭގެ ތަރައްގީގެ އެންމެ މުހިންމު ބައިވެރިވެރިއަކަށް ވެފައި އޮތީ ޗައިނާ ކަމަށެވެ.

ރާއްޖެ އާއި ޗައިނާގެ މިނިވަން ވިޔަފާރީގެ އެއްބަސްވުމުގައި އެ ގައުމުން ސޮއިކުރީ ކުރީގެ ރައީސް އަބްދުﷲ ޔާމީން ޗައިނާ އަށް ކުރެއްވި ދަތުރުފުޅުގައި ޑިސެމްބަރު 18، 2014 ގައެވެ. މިދިޔަ ސަރުކާރުގައި އެ އެއްބަސްވުމަށް އަމަލުކޮށްފައި ނުވާ އިރު، އެ ސަރުކާރުން ހާމަކޮށްފައި އޮތީ އެއްބަސްވުން މުރާޖައާ ކުރާ ކަމެވެ. ޗައިނާއާ އެކުގައި ރާއްޖެ އިން އެފްޓީއައިގައި ސޮއި ކުރީ އޭރުގެ އިދިކޮޅު ފަރާތްތަކުން ވަރަށް ބޮޑަށް ދެކޮޅު ހަދަމުން ދަނިކޮށެވެ.