އެސްޓީއޯގެ ސްޓާފް ޖިމް ހުރިހާ މުވައްޒަފުންނަށް ހުޅުވާލައިފި

ސްޓޭޓް ޓްރޭޑިން އޯގަނައިޒޭޝަން (އެސްޓީއޯ)ގެ ސްޓާފް ޖިމް އެ ގްރޫޕްގެ ހުރިހާ މުވައްޒަފުންނަށް ހުޅުވާލައިފިއެވެ.

އެސްޓީއޯ ސްޓާފް ކުއާޓާޒްގައި ހަދާފައިވާ ސްޓާފް ޖިމަކީ އެންމެ ޒަމާނީ ވަސީލަތްތައް ހިމަނައިގެން ހަދާފައިވާ ޖާގަ ތަނަވަސް ޖިމެކެވެ. އެ ޖިމް، ހުޅުވައިދެއްވީ އެ ކުންފުނީގެ މެނޭޖިން ޑިރެކްޓަރު އަދި ސީއީއޯ އަބްދުﷲ ސައީދެވެ.

ޖިމް ހުޅުވުމުގެ ގޮތުން އެސްޓީއޯ ގްރޫޕްގައި ހިމެނޭ ކުންފުނިތަކުގެ އިސްވެރިންނާއި މުވައްޒަފުން ބައިވެރިވި ރަސްމިއްޔާތުގައި ވާހަކަދައްކަވަމުން ސައީދު ވިދާޅުވީ ޖިމް ބޭނުން ކުރުމަށް އެސްޓީއޯ ގްރޫޕްގެ އެއްވެސް މުވައްޒަފެއްގެ އަތުން އެއްވެސް ފީއެއް ނުނަގާނެ ކަމަށެވެ.

ޖިމްގެ އެންޓްރެންސް ފީ ހިލޭ ކުރުމުގެ އިތުރުން، މުވައްޒަފުން ޖިމުގައި ކަސްރަތު ކުރާ ވަގުތު އެހީތެރިކަން ފޯރުކޮށްދިނުމަށްޓަކައި ފިޓްނަސް އިންސްޓްރަކްޓާއެއްގެ ހިދުމަތްވެސް އެސްޓީއޯގެ ހަރަދުގައި ފޯރުކޮށްދޭނެ ކަމަށް ސައީދު ވިދާޅުވިއެވެ.

Our CEO and MD, Mr. Abdullah Saeed reopens STO staff gym, introducing an array of new equipment and enhanced facilities, with a dedicated instructor. Every member of the STO Group can now access our gym at free of cost, promoting a culture of vitality and inclusivity. #STOFamily pic.twitter.com/XCukWex223

— STO (@stoplc) August 17, 2023

އެސްޓީއޯއިން ބުނީ، މުވައްޒަފުންގެ ސިއްހަތާއި ދުޅަހެޔޮ ކަމަށް އިސްކަންދީގެން ޖިމުގައި ފިޓްނަސް އެކިއެކި ޕްރޮގްރާމްތައް ހިންގާނެ ކަމަށެވެ.