މިއަދު އިރުއޮއްސޭ ވަގުތު އިރު ކޭތައެއް ހިފަނީ، ތިލަދުންމަތީގެ ރަށްތަކަށް ފެންނާނެ

އިރުކޭތަ ބަލަން ބޭނުންނަމަ އެކަމުގެ އާލާތްތައް ބޭނުން ކޮށްގެން ބެލުން ވަރަށް މުހިއްމެވެ. އިރުގެ އަލިން ލިބޭ ގެއްލުން ކުޑަކުރުމަށް ހާއްސަ އިކްލިޕްސް އައިނު ރާއްޖެއިންވެސް ލިބެންހުރެއެވެ.

އިރުކޭތަ ބެލުމަށް ދުރުމިއާއި އެކްސްރޭ ގަނޑު ބޭނުން ކުރުމަކީ ވެސް ނުރައްކާތެރިކަމެކެވެ. ދުރުމި ބޭނުން ކުރުމުގެ ސަބަބުން އިރުގެ ނުރައްކާތެރި ދޯދިތައް ލޮލަށް ވަންނަ ނިސްބަތް ބޮޑުވެ ނުރައްކާ ވުމުގެ ފުރުސަތު އޮވެއެވެ. އެކްސްރޭގަނޑު ބޭނުންކޮށްގެން އިރުގެ އައްޔަށް ބެލުންވެސް ރައްކާތެރިކަމަކަށް ނުވެއެވެ. އެކްސްރޭއިން އިރުން ފޮނުވާ ރޭޑިއޭޝަންގެ މިންވަރު ދަށްކޮށެއް ނުދެއެވެ.

އިރުކޭތަ ނުވަތަ ހަނދު ކޭތަ ހިފުމަކީ ވެސް ﷲގެ ކުޅަދުންވަންތަކަމުގެ ތެރެއިންވާ ޢަލާމަތްތަކެވެ.

ސަލާމާއި ޞަލަވާތްލެއްވި ކީރިތި ރަސޫލާ ޙަދީޘު ކުރައްވާފައި ވެއެވެ. [إِنَّ الشَّمْسَ وَالْقَمَرَ آيَتَانِ مِنْ آيَاتِ اللَّهِ لَا يَنْكَسِفَانِ لِمَوْتِ أَحَدٍ وَلَا لِحَيَاتِهِ فَإِذَا رَأَيْتُمُوهُمَا فَادْعُوا اللَّهَ وَصَلُّوا حَتَّى يَنْجَلِيَ ([1])- فَإِذَا رَأَيْتُمُوهُمَا فَكَبِّرُوا وَادْعُوا اللَّهَ وَصَلُّوا وَتَصَدَّقُوا[ ([2]) މާނައީ: ދަންނާށެވެ! އިރާއި ހަނދަކީ ﷲގެ ކުޅަދުންވަންތަ ކަމުގެ ނިޝާންތަކުގެ ތެރެއިން ދެނިޝާނެ އެވެ. އެއިން ތަރިއެއް ކޭތަ ހިފުމަކީ ފަހަރެއްގައިވެސް މީހެއްގެ މަރަކާއި މީހެއް އުފަންވުމަކާއި ގުޅިފައިވާ ކަމެއް ނޫނެވެ. ފަހެ ތިޔަބައިމީހުން އެއިން ތަރިއެއް ކޭތަ ހިފާފައި ހުރިތަން ދެކެފުމުން ކޭތަ ވީއްލަންދެން ތަކްބީރު ކިއުމާއި ދުޢާކުރުމާއި ނަމާދު ކުރުމާއި ޞަދަޤާތްދީ ހެދުމުގައި މަޝްއޫލުވާށެވެ.

ކޭތަ ހިފަނީ ވަކި މީހަކު މަރުވެގެން ނުވަތަ އުފަންވެގެން ނޫނެވެ. ކޭތަ ހިފުން ފަދަ ކަންތައްތަކަކީ ގިޔާމަތް ދުވަހުގެ މަތިން ހަނދުމަކޮށްދެއްވުމަށް މާތްﷲ މިންވަރު ކުރައްވާފައިވާ ކަންކަމެވެ.

"ޤިޔާމަތްވުން ފެށޭނީ ވަރުގަދަ ބިންހެލުމަކާއި، ހަނދުކޭތަ ހިފުމަކާއި، ތަރިތައް ވެރި ބުރައިގެންދާ ދިއުމަކުންނެވެ. ޤިޔާމަތްވުން ފެށޭނީ ވަރުގަދަ ބިންހެލުމަކާއި، ހަނދުކޭތަ ހިފުމަކާއި، ތަރިތައް ވެރި ބުރައިގެންދާ ދިއުމަކުންނެވެ."

މީގެ ކުރިން ރާއްޖޭގައި ކުރި ކޭތަ ނަމާދުގެ ހުތުބާގައި ބުނެފައިވެ އެވެ.

އަދި އެއީ ހަމައެކަނި ޤުދުރަތީ ކަމެއްގެ ގޮތުގައި ނުދެކި، އެކަމާއި މެދު ޝަރުޢީ ނަޒަރަކުން ވިސްނުމަށްވެސް ހުތުބާގައި ބުނެފައިވެ އެވެ. ކޭތަ ހިފުމަކީ މާތްﷲ އިރަށާއި ހަނދަށް މިންވަރު ކުރައްވާފައިވާ ދައުރުވުންތަކުގެ ސަބަބުން ހިނގާ ކަމެއް ކަމަށްވެސް ހުތުބާގައި ބުނެފައިވެ އެވެ.