ސްޓެލްކޯގެ ސެކިއުރިޓީ އޮފިސަ ޓްރެއިނިން ނިންމި ފަރާތްތަކަށް ސެޓްފިކެޓް ހަވާލުކޮށްފިއެވެ.

މިއަދު ބޭއްވި ރަސްމިއްޔާތެއްގައި ބައިވެރިންނާ ސެޓްފިކެޓް ހަވާލު ކުރެއްވީ ސްޓެލްކޯގެ މެނޭޖިން ޑިރެކްޓަރު އަހުމަދު ޝަރީފުއެވެ.

Ad
rt

ސްޓެލްކޯގެ ސެކިއުރިޓީ އޮފިސަރުންގެ ގޮތުގައި ހަރަކާތްތެރިވާ ފަރާތްތަކަށް އަމާޒުކޮށްގެން ކުރިއަށްގެންދިޔަ މި ޓްރެއިނިން ހަތް މުވައްޒަފަކު ވަނީ ފުރިހަމަ ކޮށްފައެވެ.

މިއީ ސިވެކްއާއި ގުޅިގެން އެމްއެންޑީއެފްގެ ގިރިފުށީގައި ހިންގި ޓްރެއިނިން ޕްރޮގްރާމެކެވެ.

ސްޓެލްކޯއިން ބުނީ މި ޕްރޮގްރާމާއެކު އެ ކުންފުނީގެ ސެކިއުރިޓީ އޮފިސަރުންގެ މަސައްކަތް ކުރުމަށް ބޭނުންވާ އިލްމާއި ހުނަރު، އަދި ގާބިލުކަން އިތުރުވެގެން ގޮސްފައިވާ ކަމަށެވެ.