ޓޫރިޒަމް މިނިސްޓަރު ޑރ. ޢަބުދު ﷲ މައުސޫމް އޭނާ ނިސްބަތްވެވަޑައިގަންނަވާ ޖުމްހޫރީ ޕާޓީގެ ރައީސް ކަމުގެ މަގާމަށް ކުރިމަތިލުމުގެ ޝައުގުވެރިކަން ފާޅުކުރައްވައިފިއެވެ.

ޑރ. މައުސޫމް ކުރެއްވި ޓްވީޓެއްގައި ވިދާޅުވީ، ‏ޖުމްހޫރީ ޕާޓީގެ ދެންއޮންނަ ގައުމީ ކޮންފަރެންސްގައި ޕާޓީގެ އިންތިޚާބު ބާއްވާއިރު ޕާޓީގެ "ރައީސް" ކަމަށް ކުރިމަތި ލުމުގެ ވިސްނުމެއް ގެންގުޅުއްވާ ކަމަށެވެ.

Ad
rt

ޑރ. މައުސޫމް ވަނީ ޖޭޕީގެ ނައިބު ރައީސްގެ މަގާމުވެސް ފުރުއްވާފައެވެ. އޭނާ އެ މަގާމުން އިސްތިއުފާދެއްވީ ރާއްޖެއިން ސިންގަޕޯއަށް ކަނޑައަޅުއްވާފައި ހުންނަވާ ސަފީރުކަމަށް އައްޔަނު ކުރެއްވުންނެވެ.

ޑރ. މައުސޫމަކީ މި ސަރުކާރު ގެނައުމަށް މަސައްކަތްކުރި ޖޭޕީގެ މެންބަރުންގެ ތެރެއިން ވަރަށް އިސް ސަފުގައި މަސައްކަތް ކުރެއްވި ބޭފުޅެކެވެ.