ފުވައްމުލަކު ސިޓީގައި ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން ހިދުމަތް ދޭ ވަގުތުތަކަށް ބަދަލު ގެނެސްފިއެވެ.

އެ ކުންފުނިން މި ބަދަލު ގެނައީ އެ ސިޓީގައި ކޯވިޑް-19ގެ ކޮމިއުނިޓީ ސްޕްރެޑެއް އޮތުުގެ ސަބަބުން އެޗްޕީއޭއިން އަޅާފައިވާ ފިޔަވަޅުތަކަށް ލުއި ދިނުމުގެ ސަބަބުންނެވެ.

Ad
rt

މި ލުއިތަކާއެކު ވެމްކޯގެ ވިޔަފާރި އަދި ކޮމާޝަލް ހިދުމަތްތާއި ކެޕްސް އަދި ކެޕްސް ލައިޓާއި އިދާރީ އޮފީހުން މިއަދުން ފެށިގެން ހިދުމަތް ދޭނީ ހެނދުނު 8:00 ހަވީރު 4:00 އަށެވެ.

ވެމްކޯ ވޭސްޓް ސެންޓަރުން ހޮނިހިރު ދުވަހުން ފެށިގެން ބުރާސްފަތި ދުވަހާ ހަމައަށް ހުޅުވާފައި ހުންނާނީ ހެނދުނު 8:00 ން ހަވީރު 6:00 އަށެވެ. ހުކުުރުދުވަހު އެ ސެންޓަރު މެންދުރު 11:00 ން 2:00 އަށް ބަންދުވާނެ އެވެ.

މި ހިދުމަތްތަކަށް ބަދަލު އައިނަމަވެސް ގޭބިސީތަކުން ކުނި ނެގުމުގެ ހިދުމަތް ދޭ ވަގުތުތަކަށް ބަދަލެއް ނާންނާނެއެވެ.