ގދ. ތިނަދޫގައި ގިނަވެފައި ހުރި 8،000 ޓަނުގެ ކުނި ވެމްކޯއިން ސާފުކޮށްފިއެވެ.
އެ ކުންފުނިން ބުނިގޮތުގައި މި މަސައްކަތް ނިންމާލާފައިވަނީ 90 ދުވަހުގެ ތެރޭގައެވެ. މިއީ ރާއްޖޭގެ ރަށްތަކުގައި ގިނަވެފައި ހުރި ކުނި ނައްތާލަން ސަރުކާރުން ކުރިއަށްގެންދާ ޕްރޮޖެކްޓިގެ ދަށުން ކުރިއަށްގެންދިޔަ މަސައްކަތެކެވެ.
ވެމްކޯއިން އާއްމުކޮށްފައިވާ ފޮޓޯތަކުން ފެންނަ ގޮތުގައި ތިނަދޫ ކުނިގޮނޑު ސަރަހައްދު އެއްކޮށް ވަނީ ސާފުކޮށްފައެވެ. އެ ކުންފުނިން ވަނީ ކޯވިޑް-19ގެ ބަލިމަޑުކަމުގެ ތެރޭގައިވެސް ބުރަކޮށް މަސައްކަތް ކުރީތީ އެ ކުންފުނީގެ މުވައްޒަފުންނަށް ޝުކުރު އަދާކޮށްފައެވެ.
މި ޕްރޮޖެކްޓު ވެގެންދާނީ ރައްކާތެރިކަމާއެކު ކުނި ނައްތާނެ ނިޒާމެއް ގާއިމް ކުރުމުގައި ތިނަދޫގައި އެޅޭ ފުރަތަމަ ފިޔަވަޅަށް ވާނެ ކަމަށް ވެމްކޯއިން ބުންޏެވެ.
ވެމްކޯއިން ވަނީ ތިނަދޫގެ އިތުރުން ކުޅުދުފުއްޓާއި ފުވައްމުލައް ސިޓީގައި ވެސް ގިނަވެފައި ހުރި ކުނި ސާފުކޮށްފައެވެ.
As seen in the pictures below, our teams have cleared and remediated the land surrounding the waste yard and waste reception area. We remain confident that this project will act as a foundation for a successful waste management system on the island. pic.twitter.com/csEQ1hGigw
— Waste Management Corporation Limited (WAMCO) (@WAMCOmv) July 12, 2021
މި ޕްރޮޖެކްޓުގެ ދަށުން މިހާރުވެސް އެކި ރަށްރަށުގައި ކުނި ސާފު ކުރުމުގެ މަސައްކަތް ދަނީ ކުރަމުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!