މާލޭ ސިޓީކައުންސިލްގެ ޖަލްސާތައް ލައިވްކޮށް ދެއްކުމަށް އެ ކައުންސިލްގެ ފުރަތަމަ ޖަލްސާގައި ފާސްކޮށްފައިވާ ކަމަށް މާލޭ ސިޓީގެ މޭޔަރު ޑރ. މުޙައްމަދު މުއިއްޒު ވިދާޅުވެއްޖެއެވެ.
މޭޔަރު ޑރ. މުޢިއްޒު މިއަދު ކުރެއްވި ދެ ޓްވީޓެއްގައި ވިދާޅުވެފައި ވަނީ، މާލޭ ސިޓީ ކައުންސިލަކީ ދެފުއްފެންނަ ގޮތަށް ހިންގާ ކައުންސިލަކަށް ހެދުމަށްޓަކައި، އެ ކައުންސިލްގެ ޖަލްސާތައް ލައިވް ކުރުމަކީ ކައުންސިލްގެ ފުރަތަމަ ރަސްމީ ޖަލްސާގައި ފާސްކޮށްފައިވާ އެސްއޭޕީގައި ކަނޑައަޅާ ފާސްކޮށްފައި އޮތް ކަމެއް ކަމަށެވެ.
އެކަމަށްޓަކައި ސިޓީ ކައުންސިލް އިދާރާގެ އައިޓީ އިންތިޒާމްތައް ފުރިހަމަ ކުރުމަުގެ މަސައްކަތް މިހާރު ކުރިއަށްދާ ކަމަށް މޭޔަރު ވިދާޅުވިއެވެ.
"ކައުންސިލްގެ ޓްރާންސްޕޭރެންސީ ކަށަވަރު ކުރުމަށްޓަކައި ހުރިހާ ކައުންސިލަރުން ވެސް މާލީ ތަފްސީލުތައް ވެބްސައިޓްގައި އެންމެންނަށް ފެންނަހެން ޝާއިއުކުރުމަކީ ކޮންމެހެން ވެސް ކުރަން ޖެހޭ ކަމެއް" މޭޔަރު ވިދާޅުވެފަވެއެވެ.
Council akee transparent council akah hedhumattakaa council ge jalsaathah live kurumakee Council ge furatham rasmee jalsaa gai faaskoffaivaa SAP gai kanda alhaa faaskoffai oi kameh. Offeehuge IT inthizaam thah ekamah furihama kurumah masakkai thah dhanee kurevemun. (1/2)
— Dr Mohamed Muizzu (@MMuizzu) June 9, 2021
މާލޭ ސިޓީކައުންސިލްގެ ޖަލްސާތައް ލައިވްކޮށް ދެއްކުމަށް އެ ކައުންސިލްގެ ފުރަތަމަ ޖަލްސާގައި ފާސްކޮށްފައިވާ ކަމަށް މާލޭ ސިޓީގެ މޭޔަރު ޑރ. މުއިއްޒު ވިދާޅުވެފައިވާއިރު، މާލޭގެ ޑެޕިއުޓީ މޭޔަރެއް ހޮވުމަށް ވެސް މިމަހުގެ 21 ވަނަ ދުވަހަށް މިހާރު ވަނީ ތާވަލްކޮށް، މާލެ ސިޓީގެ ހުރިހާ ކައުންސިލަރުން 14 ދުވަހުގެ ނޯޓިސް ފޮނުވާފައެވެ.
މާލޭގެ މޭޔަރާ އެކު 18 ކައުންސިލަރުން މާލެ ސިޓީ ކައުންސިލަށް އިންތިހާބު ކޮށްފައިވާއިރު އޭގެ ތެރެއިން 12 ކައުންސިލަރުންނަކީ އިދިކޮޅު ޕީޕީއެމްގެ ބޭފުޅުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!