ކުއްތާ ބޭނުންކޮށްގެން ކޯވިޑް-19 ޖެހިފައިވާ މީހުން ދެނެގަނެވިދާނެ ކަމަށް އިނގިރާސި ވިލާތުގެ ސައިންސްވެރިން ހެދި ދިރާސާއަކުން ދައްކައިފިއެވެ.

މި ދިރާސާގައި ސައިންސްވެރިން ބަލާފައިވަނީ ކޯވިޑް ޖެހިފައިވާ މީހުންގެ ވަސް ކުއްތާތަކަށް ދެނެގަނެވޭތޯއެވެ. އެގޮތުން، ބަލި ޖެހިފައިވާ މީހުން އިސްޓާކީނުގެ ވަސް ކުއްތާތަކަށް ވަނީ ދެނެގަނެވިފައެވެ.

Ad
rt

ސައިންސްވެެރިން މި ދިރާސާއަށް ބޭނުން ކޮށްފައިވަނީ އާއްމުންގެ ތެރެއިން ގިނަ ބަޔަކު ލާފައި ނުދޮވެ ހުރި އަންނައުނެވެ. މީގެ ތެރެއިން ކޯވިޑް ޖެހިފައިވާ މީހުން ކުއްތާތަކަށް ދެނެގަނެވުނު ކަމަށް ދިރާސާއިން ވަނީ ދައްކައިފައެވެ.

އިނގިރޭސިވިލާތުން އަންނަނީ މި ކުއްތާތައް އެއާޕޯޓުތަކުގައި ބޭނުން ކުރަން ތައްޔާރުވަމުންނެވެ. މި ކުއްތާތަކަށް 94.3 އިންސައްތަ ޔަގީންކަމާއެކު ގިނަ އަދަދެއްގެމީހުންގެ ތެރެއިން ބަލި ޖެހިފައިވާ މީހުން އެންމެ 30 މިނެޓް ތެރޭގައި ދެނެގަނެވޭނެ ކަމަށް ސައިންސްވެރިން ބުނެއެވެ.

މި ދިރާސާގެ ރިޕޯޓު މިހާރު އާއްމުކޮށްފައިވާއިރު އިތުރު ސައިންސްވެރިންވެސް އަންނަނީ މި ދިރާސާގެ ސައްހަކަން ކަށަވަރު ކުރުމަށް މަަސައްކަތް ކުރަމުންނެވެ.