ކޮވިޑް19 އަށް ފަރުވާހޯދަމުންދިޔަ 30 އަހަރުގެ އަންހެނަކު ނިޔާވެއްޖެ އެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) ވިދާޅުވީ ހުޅުމާލޭ މެޑިކަލް ފެސިލިޓީގައި ފަރުވާ ހޯދަމުންދިޔަ ޒުވާނާ ނިޔާވެފައިވަނީ ރޭފަތިހު 4:30 ގައި ކަމަށެވެ. މިއީ ދެ ދަރިންގެ މަންމައެކެވެ. މިއީ މިބަލީގައި ރާއްޖެއިން ނިޔާވި 96 ވަނަ މީހާއެވެ.
މިޒުވާނާގެ އިތުރުން 81 އަހަރުގެ ފިރިހެނަކުވެސް ހަމަ އެހޮސްޕިޓަލުގައި ރޭ ނިޔާވެފައިވާކަމަށް އެޗްޕީއޭއިން ބުނެފައިވެއެވެ. އެމީހާ ނިޔާވެފައިވަނީ ރޭ 2:38 ގައެވެ. މިދެމީހުންނަކީވެސް ދިވެހިންނެވެ.
އިއްޔެ ރާއްޖެއިން ވަނީ 1007 މީހުން ކޮވިޑް-19 އަށް ޕޮޒިޓިވް ވެފައެވެ. ރާއްޖެއިން މި ބައްޔަށް ޕޮޒިޓިވްވި މީހުންގެ އަދަދު ވަނީ 43،782 އަށް އަރާފައެވެ.
Early morning at 04:30am a 30-year-old Maldivian female admitted at HMF has passed away
This is the 96th COVID-19 death in the Maldives.
Our thoughts and prayers are with the bereaved family. May Allah grant her soul eternal peace in heaven
— Health Protection Agency (@HPA_MV) May 16, 2021
ކޮވިޑްގެ އެކްޓިވް ކޭސްތަކުގެ ގޮތުގައި މިހާރު އުޅެނީ 15،666 ކޭސް އެވެ. މި ބަލިން 28،013 މީހުން ރަނގަޅުވެފައިވާއިރު ހޮސްޕިޓަލުގައި ފަރުވާ ދެމުންދަނީ 260 މީހަކަށެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!