ކޮވިޑް ޖެހިގެން ރާއްޖެއިން ނިޔާވި މީހުންގެ އަދަދު 66 އަށް

ރާއްޖެއިން ކޮވިޑް-19 ޖެހިގެން ނިޔާވި މީހުންގެ އަދަދު 66 އަށް އަރާފައިވަނީ ރޭގެ ވަގުތެއްގައި އައިޖީއެމްއެޗްގެ އެމަޖެންސީގައި ފަރުވާދެމުން ގެންދިޔަ 66 އަހަރުގެ ފިރިހެނަކު ނިޔާވުމާއި ގުޅިގެންނެވެ.

އެޗްޕީއޭ އިން މިއަދު ބުނީ، ހަބަރު ހުސްވެގެން އައިޖީއެމްއެޗުގެ އީއާރަށް ރޭ 8:25 ގައި ގެންދިޔަ މީހަކު ރޭ 8:45 ގައި ނިޔާވެފައިވާ ކަމަށް ކަނޑައަޅާފައިވާ ކަމަށެވެ. އަދި އެއީ ކޮވިޑު ބަލީގައި ނިޔާވި މީހެއްކަމަށް ވެސް ބުންޏެވެ.

މިއީ ހަތަރު ދުވަސް ތެރޭގައި ރާއްޖޭގައި މިބަލީގައި ނިޔާވި ދެވަނަ މީހާ އެވެ.

މިހާތަނަށް މި ބަލީގައި ރާއްޖޭގައި ނިޔާވެފަައިވަނީ 59 ދިވެހިންނާއި 7 ބިދޭސީންނެވެ. ބިދޭސީންގެ ތެރޭގައި ހިމެނެނީ ބަންގްލަދޭޝްގެ ހަ މީހަކާއި ފިލިޕީންސް މީހެކެވެ.

Last night at 08:25pm a 66 year male brought to IGMH/ER in an unresponsive state was declared dead at 08:45pm

This is the 66th COVID-19 death in the Maldives

Our thoughts and prayers are with the bereaved family. May Allah grant him soul eternal peace in heaven

— Health Protection Agency (@HPA_MV) March 21, 2021

ކޮވިޑްގައި އެންމެ ފުރަތަމަ ރާއްޖެއިން މީހަކު ނިޔާވީ މިދިޔަ އަހަރުގެ އޭޕްރީލް މަހުގެ 29 ވަނަ ދުވަހުއެވެ. އެއީ އުމުރުން 83 އަހަރުގެ ދިވެހި އަންހެނެކެވެ.