މިރޭ 11:00ން ދަންވަރު 2:00އަށް މާފަންނުގެ ވަކި ހިސާބަކުން ފެނުގެ ހިދުމަތް ކެނޑޭނެކަމަށް މޯލްޑީވްސް ވޯޓާ އެންޑް ސުވަރެޖް ކޮމްޕެނީ (އެމްޑަބްލިއުއެސްސީ) އިން ބުނެފިއެވެ.
އެ ކުންފުނިން މިރޭ ކުރި އިއުލާނެއްގައި ބުނީ ފެނުގެ ހިދުމަތް މެދުކެނޑޭނީ ފްލޫނިޔާ ގޯޅީގައި ހިމެނޭ ހުރިހާ ގެތަކާއި ހަވީރީ ހިނގުމާއި ފްލޫނިޔާ މަގާ ދެމެދުން، ޝަހީދު އަލީ ހިނގުމުގައި ހިމެނޭ ހުރިހާ ގެތަކަކުން ކަމަށެވެ.
ެފެނުގެ ހިދުމަތް މެދުކަނޑާލަނީ މާލޭގެ "ސްޓްރީޓް ސްކޭޕިން ޕްރޮޖެކްޓު"ގެ ދަށުން ޝަހީދު އަލީ ހިނގުމުގައި ކުރިން އަޅާފައިވާ ފެން ހޮޅިއާއި މިހާރު އަޅާފައިވާ ފެން ހޮޅި ވަޅުލުމަށް މިރޭ ތިން ގަޑިއިރަށް އެ ސަރަހައްދުގައި މަސައްކަތް ކުރަން ޖެހޭތީ ކަމަށް ވެސް އެ ކުންފުނިން ބުންޏެވެ.
Due to a water network upgrading work at Male', there will be a service interruption from 23:00 to 02:00 hrs on 14th February 2021, in the marked areas. We apologize for the inconvenience caused. pic.twitter.com/M2WNsLngYJ
— Male' Water and Sewerage Company Pvt. Ltd. (@MWSC_Official) February 14, 2021
މި ވަގުތުތަކުގައި އެ ސަރަހައްދުގައި ދިރިއުޅޭ އާއްމުންނަށް ދިމާވެދާނެ ދަތިތަކަށް އެމްޑަބްލިއުއެސްސީން ވަނީ މައާފަށް އެދިފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!