މަސްވެރިކަމުގައި އުޅެނިކޮށް ކަނޑަށް ވެއްޓުނު މަސްވެރިއަކަށް މިޔަރެއް ހަމަލާދީ ޒަޚަމް ކޮށްލައިފިއެވެ.
އެމްއެންޑީއެފުން ވިދާޅުވީ އެހާދީސާގައި މިޔަރެއް ހަމަލާދީ ޒަޚަމް ކޮށްލާފައިވަނީ 40 އަހަރު ދިވެހި މަސްވެރިއަކަށްކަމަށެވެ.
ޅ. ފާދޫ ބޮއި ކައިރީ މަސްވެރިކަން ކުރަން އުޅުނު "ޒިކުރާ" ނަމަކަށް ކިޔާ ދޯނީގައި މަސްވެރިކަމު އުޅެނިކޮށް އެ މަސްވެރިޔާ ކަނޑަށް ވެއްޓުނު ވަގުތު މިޔަރެއް އޭނާ ގައިގާ ހިފާ ޒަޚަމްކޮށްލާފައި ވާކަމަށް އެމްއެންޑީއެފުން ވިދާޅުވިއެވެ.
މިމިހާއަށް ލިބިފައިވާ ޒަޚަމްގެ މާ ބޮޑު ތަފްސީލެއް އަދި ލިބިފައި ނުވިނަމަވެސް އެމީހާގެ ފައިގެން މައި ނާރަށް ގެއްލުންވެފައިވާކަމަށް އެމްއެންޑީއެފުން ވިދާޅުވެއެވެ.
Lh.Faadhoo boi kairi masverikamugai ulhunu "Zikuraa" dhoaneegai huri 40 aharuge dhivessaku kan'dah vettunu vaguthu miyareh hifai, zahamvegen sihhee avas faruvaa ah Lh.Naifarah gendhiumah MNDF NA CG in harakaaiytherivanee. Mi haadhisaage report libifaivanee miadhu 09:36 haairu pic.twitter.com/SM7P9ozfC3
— Maldives National Defence Force (@MNDF_Official) December 24, 2020
މި މީހާއަށް އަވަސް ފަރުވާދިނުމަށް ޅ. ނައިފަރަށް ވަނީ މިހާރު ގެންދެވިފައިކަމަށް ވެސް އެމްއެންޑީއެފުން ވިދާޅުވިއެވެ.
މި ހާދިސާގެ ރިޕޯޓް އެމްއެންޑީއެފަށް ލިބިފައި ވަނީ ހެނދުނު 9:36 ހާއިރުއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!