ކޯވިޑް19 އަށް ޓެސްޓުކުރަމަށް މޯލްޑިވްސް ޕޮލިސް ސާރވިސަސްގެ ލެބޯޓްރީއަށް ޕީސީއާރް މެޝިނެއް ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން ހަދިޔާކޮށްފިއެވެ.
އެސްޓީއޯގެ ފަރާތުން ޕޮލިސް ލެބަށް ޕީސީއާރް މެޝިން ހަވާލުކޮށްދެއްވީ އެ ކުންފުނީގެ މެނޭޖިންގ ޑިރެކްޓަރު ހުސެއިން އަމްރު އެވެ. އަދި މި މެޝިނާއި ޕޮލިސްއިން ހަވާލުވީ ފޮރިންސިކް ސަރވިސްގެ ޑައިރެކްޓޮރޭޓް އަބްދުﷲ އަހުމަދު އެވެ.
އެސްޓީއޯ އިން ދާދިފަހުންވަނީ ޕީސީއާރް ދެ މެޝިން އައިޖީއެމްއެޗަށް ހަދިޔާކޮށްފައެވެ.
Donation of Biorad CFX96 PCR machine to @PoliceMv lab.
STO CEO&MD @HusenAmr handed over the PCR machine to MPS Head of Forensic Services Directorate Abdullah Ahmed today.
This machine will exponentially increase COVID PCR testing capacity of the lab. #StaySafe @PoliceMv pic.twitter.com/GtizDcrpB0— STO (@stoplc) August 27, 2020
ރާއްޖެއިން މިހާތަނަށް ކޮވިޑަށް ޓެސްޓު ކުރުމަށް އެއް ލައްކަ އަށް ވުރެ ގިނަ ސާމްޕަލް ނަގާފައިވާއިރު، މި ބައްޔަށް ޕޮޒިޓިވްވާ މީހުންގެ އަދަދު އަންނަނީ ބޮޑުތަނުން އިތުރުވަމުންނެވެ. އެގޮތުން އިއްޔެ އެކަނި ވެސް މި ބައްޔަށް ރާއްޖެއިން ވަނީ 178 މީހަކު ޕޮޒިޓިވް ވެފައެވެ.
ރާއްޖެއިން މިހާތަނަށް 7،000 އަށް ވުރެ ގިނަ މީހުން ކޮވިޑަށް ޕޮޒިޓިވް ވެފައިވާއިރު، 4561 މީހުން ވަނީ ބަލިން ރަނގަޅުވެފައެވެ. މިހާރު ފަރުވާ ދެމުން އަންނަނީ 2636 މީހުންނަށް ކަމަށްވާއިރު 28 މީހަކު ވަނީ ނިޔާވެފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!