އެސްޑީއެފްސީގެ ލޯނުތައް ދެއްކުން އަހަރުގެ ނިޔަލަށް ދަންމާލައިފި

އެސްއެމްއީ ޑިވެލޮޕްމެންޓް ފައިނޭންސް ކޯޕަރޭޝަން (އެސްޑީއެފްސީ)އިން ދޫކޮށްފައިވާ ލޯނުތައް ދެއްކުން މިއަހަރުގެ ނިޔަލަށް ފަސްކޮށްދީފި އެވެ.

އެކަން ހާމަކުރެއްވީ އިކޮނޮމިކް މިނިސްޓަރު ފައްޔާޒު އިސްމާއިލް ކުރަށްވާފައިވާ ޓުވީޓެއްގައި އެވެ.

އެ ޓުވީޓުގައި މިނިސްޓަރު ފައްޔާޒު ވަނީ އެސްޑީއެފްސީ ހުރިހާ ލޯނު ތަކެއް މި އަހަރުގެ ނިޔަލަށް ފަސްކޮށް ދީފައިވާ ކަމަށް ވިދާޅުވެފަ އެވެ. އަދި އެހެން ބޭންކް ތަކުން ވެސް މި ބަދަލު ގެންނާނެ ކަމަށް އުންމީދު ކުރައްވާ ކަމަށް ވިދާޅުވެފަ އެވެ.

އެސްޑީއެފްސީ އަކީ ރާއްޖޭގެ ކުދި އަދި މެދުފަންތީގެ ވިޔަފާރި ތަކަށް ގިނަ އަދަދެއްގެ ލޯނު ދޫކުރަމުންދާ ކުންފުންޏެކެވެ.

Thank you @SDFC_mv for the decision to extend the moratorium on all loans till end of the year for all those who wish to do so. I hope bigger banks will follow suit in this unprecedented situation and bring heart to banking.

— Fayyaz Ismail (@faya_i) August 27, 2020

އެސްއެމްއީ ޑިވެލޮޕްމެންޓް ފައިނޭސް ކޯފަރޭޝަން (އެސްޑީއެފްސީ)އަކީ ސްމޯލް މީޑިއަމް އެންޓަޕްރައިޒަސް (އެސްއެމްއީ) ނުވަތަ ކުދި އަދި މެދު ފަންތީގެ ވިޔަފާރިތަކަށް ފަސޭހައިން މާލީ އެހީތެރިކަން ލިބޭނެ ގޮތް ފަހިކޮށްދީ އަދި ކުދި އަދި މެދު ފަންތީގެ ވިޔަފާރިތައް ކުރިއެރުވުމަށް ރައީސް އިބްރާހިމް މުހައްމަދު ސޯލިހު އުފައްދަވާފައިވާ ކުންފުންޏެކެވެ.