ލުބުނާނުގެ ވެރިރަށް ބެއިރޫތުގައި ރޭ ބާރުގަދަ ގޮވުންތަކެއް ގޮވާ ހިނގާދިޔަ ހިތާމަވެރި ޙާދިސާއާއި ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު ތައުޒިޔާ ފޮނުއްވައިފިއެވެ.

ރައީސް މިއަދު ކުރެއްވި ޓުވީޓެއްގައި ވިދާޅުވީ ދިވެހިން ތިބީ ލުބުނާނުގެ ރައްޔިތުންނާއެކުގައި ކަމަށެވެ. އަދު މި ހިތާމަވެރި މަރުވި މީހުންނާއި އަނިޔާވި މީހުންގެ އާއިލާތަކަށް ރައީސް ވަނީ ތައުޒިޔާ ވިދާޅުވެފަ އެވެ.

Ad
rt

ބޭރޫތުގައި ހުންނަ ޕޯޓުގައި ގޮވި ގޮވުމުގެ ސަބަބުން މުޅި ހިސާބުގަނޑު އެއްކޮށް ބިމާހަމަވެފައިވާއިރު، އެ ހާދިސާގައި މިހާތަނަށް 100 އަށްވުރެ ގިނަ މީހުން މަރުވެ، 4000 އަށްވުރެ ގިނަ މީހުންނަށް އަނިޔާވެފައިވާ ކަމަށް ލުބުނާނުގެ ރެޑް ކުރޮސް އިން ވަނީ ބުނެފަ އެވެ.

މި ޙާދިސާ އާއިގުޅިގެން ވަނީ އެޤައުމުގައި ދެހަފްތާއަށް ކުއްލި ނުރައްކަލުގެ ޙާލަތު ޢިއުލާންކޮށްފައެވެ. އަދި މިކަންކަން ތަޙުގީގުކުރުމަށް ޚާއްސަ ޓީމެއް އެކުލަވާލާ ތަޙުގީގުކުރުމަށް އެޤައުމުގެ ރައިސްވަނީ ނިންމަވާފައެވެ.

ރޭ ރާއްޖޭގަޑިން އިރާކޮޅުގެ ވަގުތެއްގައި ބެއިރޫތްގައި މި ގޮވި ގޮވުންތަކީ ފަހުގެ ތާރީހެއްގައި އެ ޤައުމުގައި ގޮވި އެންމެ ބާރު ގަދަ ގޮވުންތަކެވެ. އަދި އެ ޤައުމާއި 150 މޭލު ދުރުގައި އޮންނަ ސައިފްރަސްއާއި ހަމައަށް މި ގޮވުންތަކުގެ އަޑު އިވުނުކަމަށް ހަބަރުތައް ބުނެއެވެ.

ގޮވި ސަރަހައްދުގައި ސާޗް އެންޑް ރެސްކިއު އޮޕަރޭޝަން އަދިވެސް ދަނީ ކުރިއަށެވެ. އެހެންކަމުން ނަންބަރުތައް އިތުވާނެ ކަމަށް ކަމާބެހޭ ފަރާތްތަކުން ވަނީ ބުނެފައެވެ.

މި ހާދިސާއާ ގުޅިގެން ލުބުނާނުގެ ރައީސް ރައީސް މިޝޭލް އަޔޫން ވަނީ ކުއްލި ކެބިނެޓް ބައްދަލުވުމެއް ބާއްވައި އެގައުމުގައި ދެހަފްތާއަށް ކުއްލި ނުރައްކަލުގެ ހާލަތު އިއުލާންކޮށްފަ އެވެ. އަދި މިކަންކަން ތަހުގީގުކުރުމަށް ހާއްސަ ޓީމެއް އެކުލަވާލާ ތަހުގީގު ކުރުމަށް އަންގަވާފައިވާއިރު އެ ހާދިސާގެ ޒިންމާ ނަގަން ޖެހޭ މީހުންނަށް ހަރުކަށި އަދަބު ދެއްވާނެ ކަމަށް ވަނީ ވިދާޅުވެފަ އެވެ.

އެ ގޮވުން ގޮވި ސީދާ ސަބަބެއް އަދި ނޭނގެ އެވެ. ނަމަވެސް ލުބުނާނުގެ ޖެނެރަލް ސެކިއުރިޓީގެ ވެރިޔާ އައްބާސް އިބްރާހިމްއާ ހަވާލާދީ ރިޕޯޓްތައް ބުނާ ގޮތުން އެ ގޮވުން ގޮވީ ޕޯޓުގައި އެމޯނިއަމް ނައިޓްރޭޓުގެ 2،750 ޓަނު ރައްކާކޮށްފައިވާ ގުދަނެއް ގޮވުމުގެ ސަބަބުންނެވެ. އަދި އެ އެއްޗެހި ރައްކާކޮށްފައި ހުންނަތާ ހަ އަހަރު ވެފައިވާ ކަމަށް ވެސް ބުނެފައިވެ އެވެ.