މެލޭޝިއާގެ ވިޔަފާރި ވެރިޔަކު ރާއްޖެއަށް މާސްކު ހަދިޔާކޮޮށްފި

ޝިއުނާ އާދަމް 6 މޭ 2020 02:01

ޚުލާޞާ

މެލޭޝިއާގެ ވިޔަފާރި ވެރިއެއް ކަމަށްވާ، ލިންބާގް ހޯލްޑިންގެ ވެރިޔާ ވިރާ ލިން ކަޗޮކް ރާއްޖެއަށް 60،000 ފޭސް މާސްކު ހަދިޔާކުރައްވައިފި އެވެ. މެލޭޝިޔާގެ ވިޔަފާރި ވެެރިޔާ ރާއްޖެއަށް ހަދިޔާކުރެއްވި މާސްކުތައް ސަރުކާރާ ހަވާލުކޮށްދެއްވީ، އެ ވިޔަފާރި ވެރިޔާއާއި ގާތް ގުޅުމެއް އޮންނަ ކުރީގެ ޑިފެންސް މިނިސްޓަރު އަދި ރައްޔިތުންގެ މަޖިލީހުގެ ދަނގެތި ދާއިރާގެ މެމްބަރު ކާނަލް ރިޓަޔާޑް މުހައްމަދު ނާޒިމެވެ. ސަރުކާރުގެ ފަރާތުން އެތަކެއްޗާ ހަވާލުވެވަޑައިގަތީ ޑިޒާސްޓަ މެނޭޖްމަންޓް އޮތޯރިޓީ (އެންޑީއެމްއޭ)ގެ ސީއީއޯ ހި...

މެލޭޝިއާގެ ވިޔަފާރި ވެރިއެއް ކަމަށްވާ، ލިންބާގް ހޯލްޑިންގެ ވެރިޔާ ވިރާ ލިން ކަޗޮކް ރާއްޖެއަށް 60،000 ފޭސް މާސްކު ހަދިޔާކުރައްވައިފި އެވެ.

މެލޭޝިޔާގެ ވިޔަފާރި ވެެރިޔާ ރާއްޖެއަށް ހަދިޔާކުރެއްވި މާސްކުތައް ސަރުކާރާ ހަވާލުކޮށްދެއްވީ، އެ ވިޔަފާރި ވެރިޔާއާއި ގާތް ގުޅުމެއް އޮންނަ ކުރީގެ ޑިފެންސް މިނިސްޓަރު އަދި ރައްޔިތުންގެ މަޖިލީހުގެ ދަނގެތި ދާއިރާގެ މެމްބަރު ކާނަލް ރިޓަޔާޑް މުހައްމަދު ނާޒިމެވެ.

ސަރުކާރުގެ ފަރާތުން އެތަކެއްޗާ ހަވާލުވެވަޑައިގަތީ ޑިޒާސްޓަ މެނޭޖްމަންޓް އޮތޯރިޓީ (އެންޑީއެމްއޭ)ގެ ސީއީއޯ ހިސާން ހަސަން އެވެ.

ލިންބެގް ހޯލްޑިންގެ ފައުންޑަރު ޑާޓަކް ވިރާ ލިންގް ކާ ޗޮކް އަކީ ގްރޭންޑާ އިންޓަނޭޝަނަލް ޕްރައިވެޓް ލިމިޓެޑްގެ މެނޭޖިން ޑިރެކްޓަރުވެސް މެއެވެ. ގްރޭންޑާ އިންޓަނޭޝަނަލް އަކީ ރާއްޖޭގައި އޮޕަރޭޓުކުރާ ހޮލިޑޭ ޑިވެލޮޕްމެންޓް ކުންފުންޏެކެވެ. މެންބަރު ނާޒިމް އަކީ އެ ކުންފުނީގެ ޑިރެކްޓަރެކެވެ.

މިކަމާއި ގުޅިގެން އެކަން ފާހަގަ ކުރަށްވާ ނާޒިމް ކުރަށްވާފައިވާ ޓުވީޓެއްގައި ވަނީ ކޯވިޑް-19 ހާލަތުގައި ސަރުކާރުން ކުރަމުންދާ މަސައްކަތައް ޕްރިވެޓް ސެކްޓަރގެ އެހީތެރިކަން ބޭނުންވާ ކަން ފާހަގަ ކުރަށްވައިފައެވެ.

I am delighted to donate 60,000 face masks to Maldives, on behalf of Malaysian based Linbaq Holding’s founder, my good friend Mr. Datuk Wira Ling Kah Chok.

Private sector help to goverments is vital in this unprecedented times due to #COVID19. We will get through this together. pic.twitter.com/fsgivrTqHa

— Col(rtd)Mohamed Nazim MP (@nazim7878) May 5, 2020

މެލޭޝިއާގެ ވިޔަފާރިވެރިޔާގެ މި އެހީތެރިކަމަށް ފޮރިން މިނިސްޓަރު ޝާހިދުވެސް ވަނީ ޝުކުރު އަދާކުރަށްވާ ޓުވީޓެއް ކުރަށްވާފައިއެވެ.

Thank you Datuk Wira Ling Kah Chok and Linbaq Holding for the kind assistance. Indeed the success of any country's response to this pandemic depends on the strong partnership between the govt. & the private sector. We are grateful to those who are leading by example. https://t.co/PWLHGboZp0

— Abdulla Shahid (@abdulla_shahid) May 5, 2020

ރާއްޖެއަށް މިއެހީ ފޯރުކޮށް ދެއްވި ވިޔަފާރި ވެރިޔާ ލިންގް ކާ ވަނީ ރާއްޖޭގައި ކޯވިޑް-19 އާ ދެކޮޅަށް ކަމާބެހޭ ފަރާތްތަކުން ކުރައްވާ މަސައްކަތްތަކާއި އަޅާފައިވާ ފިޔަވަޅުތައް ފާހަގަކޮށް ތައުރީފު ކުރައްވައިފައެވެ. ސަރުކާރުން އަޅާފައިވާ ފިޔަވަޅުތަކާއެކު ރާއްޖޭގެ އިގްތިސޯދު ކޮޅަށްޖެހުމަކީ އުނދަގޫ ކަމަކަށް ނުވާނެ ކަމަށް އޭނާ ވަނީ ވިދާޅުވެފައެވެ.