އެމެރިކާއިން ރާއްޖެއަށް ދެ މިލިއަން ޑޮލަރު އެހީއެއް!

އެމެރިކާއިން ރާއްޖެއަށް ދެ މިލިއަން ޑޮލަރު ނުވަތަ 31 މިލިއަން ރުފިޔާގެ އެހީއެއް ދީފި އެވެ.

ފޮރިން މިނިސްޓަރު އަބްދުﷲ ޝާހިދު މިއަދު ކުރެއްވި ޓްވީޓެއްގައި ވަނީ އެމެރިކާއިން އިކޮނޮމިކް ސަޕޯޓް ފަންޑިއެއްގެ ގޮތުގައި ރާއްޖެއަށް 2 މިލިއަން ޑޮލަރުގެ އެހީއެއް ދިންކަން ހާމަކުރައްވައިފައެވެ. އެކަމަށްޓަކައި އެމެރިކާގެ ސެކެޓްރީ އޮފް ސްޓޭޓް މައިކް ޕޮމްޕޭއޯ އަށާއި، އެމެރިކާއިން ސްރީލަންކާ އަދި ރާއްޖެއަށް ކަނޑައަޅާފައި ހުންނަވާ ސަފީރު އެލެއިނާ ޓެޕްލިޓްސްއަށް މިނިސްޓަރު ޝުކުރު އަދާކުރެއްވިއެވެ.

Thank Secretary @SecPompeo and Ambassador Teplitz @USAmbSLM for the USD 2 million in economic support funding announced for #Maldives to assist in COVID-19 economic recovery. We need such support and assistance from our partners to overcome this pandemic. https://t.co/RxChFqML8E

— Abdulla Shahid (@abdulla_shahid) May 2, 2020

އިއްޔެ ޖަޕާނުން ވަނީ ރާއްޖެއަށް 8.4 މިލިއަން ރުފިޔާގެ އެހީ ދީފައެވެ. އެ ފައިސާ ބޭނުން ކުރަން ނިންމާފައި ވަނީ މެޑިކަލް އިކުއިޕްމެންޓާއި ބޭސް ގަތުމުގެ އިތުރުން އޮންލައިން ކްލާސްތައް ބާއްވާށެވެ.

އިންޓަނޭޝަނަލް މަނިޓަރީ ފަންޑް (އައިއެމްފް) އިން ރާއްޖެއަށް 28،9 މިލިއަން ޑޮލަރު ދީފައިވާއިރު، އިންޑިއާއިން ވަނީ 150 މިލިއަން ޑޮލަރުގެ ކަރެންސީ ސްވޮޕް ފެސިލިޓީއެއް ދީފަ އެވެ.