ކޯވިޑް-19 ގެ މިހާލަތުގައި ރާއްޖެއަށް އެހީތެރިވުމުގެ ގޮތުން 800 މީހުންގެ ވަގުތީ ކަރަންޓީނު ފެސިލިޓީއެއް ގާއިމްކޮށް ދޭން ޗައިނާއިން ނިންމައިފި އެވެ.
ޗައިނާއިން ރާއްޖެއަށް ކަނޑައަޅާފައިވާ ހުންނަވާ ސަފީރު ޖަންގް ލިޖޮންގް ކުރެއްވި ޓުވީޓެއްގައި ވިދާޅުވީ ދިވެހި ސަރުކާރުން، ޗައިނާގެ ސަރުކާރުގައި އެހީއަށް އެދިފައިވާ ކަމަށާއި، އެހެންވެ ޗައިނާ ސްޓޭޓް ކޮންސްޓްރަކްޝަނުން 800 މީހުންގެ ޖާގައިގެ ކަރަންޓީނު ފެސިލީޓީއެއް އަޅައިދޭން ނިންމާފައިވާ ކަމަށެވެ.
މި ކަރަންޓީނު ފެސިލީޓީގެ މަސައްކަތަށް ސަމާނާއި ވަސީލަތްތަކާއެކު ރާއްޖެއަށް 100 މީހުން ގެންނަން ވަނީ ނިންމާފައި ވާ ކަމަށްވެސް ސަފީރު ވިދާޅުވި އެވެ.
Chinese enterprises in action
Heeding the call of the Maldives Gov., China State Construction decides to send over 100 workers, along with equipments and materials, to build temporary quarantine facilities to house maximum 800 persons.
Race against time. pic.twitter.com/Lz1mZ9R5Aq
— Chinese Embassy in Maldives (@ChinaEmbassyMV) April 27, 2020
ޗައިނާ ސަފީރުގެ އިތުރު ޓުވީޓެއްގައި ވިދާޅުވީ ހުޅުމާލޭގައި ދެ ބުރީގެ އިމާރާތެއް މަރާމާތު ކުރުމުގެ މަސައްކަތުގައި ޗައިނާގެ ބީޔޫސީޖީ ކުންފުނިން އެހީތެރިވުމަށް ނިންމައި، އެ ކުންފުނީގެ 40 މުވައްޒަފުންގެ ޓީމަކުން ހަމަޖައްސާފައި ވާކަމަށެވެ. އެ އިމާރާތަކީ 327 އެނދުގެ ވަގުތީ ކަރަންޓީނު ފެސިލިޓީއެއް ކަމަށްވެސް ސަފީރު ވިދާޅުވިއެވެ.
Chinese enterprises in action.
BUCG decides to arrange a task force of 40 workers to help renovate a two-story building to a temporary quarantine facility with the capacity of 327 beds in Hulumale. pic.twitter.com/KmfTDXOTBn
— Chinese Embassy in Maldives (@ChinaEmbassyMV) April 27, 2020
ރާއްޖޭގައި މިހާރު ކަރަންޓީނު ފެސިލިޓީގެ ގޮތުގައި ރިސޯޓްތައް ދަނީ ބޭނުން ކުރަމުންނެވެ. އެ ތަންތަނުގައި ހުރީ 1،100 އެނދުގެ ޖާގައެވެ.
ރާއްޖޭގައި މިހާތަނަށް ޖުމްލަ 214 މީހުން ވަނީ ކޯވިޑް-19 އަށް ފައްސިވެފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!