ކޮވިޑް-19 އާއި ގުޅިގެން ކަރަންޓްރީން ފެސިޓީއެއްގެ ގޮތުގައި ބޭނުންކުރަމުންދާ ކ. ވިލިވަރުގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފުން ބުނީ ކ. ވިލިވަރުގައި އަލިފާނުގެ ހާދިސާއެއް ހިނގައިގެން އުޅޭ ކަމުގެ ރިޕޯޓު ލިބިގެން ފަޔަރޓީމު ހަރަކާތްތެރިވާން ފަށާފައިވާކަމަށެވެ.
K.Villivaru Island Resort gai alifaanuge haadhisaa eh higaigen MNDF Fire and Rescue Service in harakaaiytherivaan fashaifi. Mi haadhisaa ge report libifai vanee mirey 19:41 haairu.
— Maldives National Defence Force (@MNDF_Official) April 8, 2020
އެމްއެންޑީއެފުން ބުނީ އެ ރިސޯޓުގައި ތިބި ސިފައިންނާއި ފުލުހުން އެ އަލިފާންގަނޑު ނިވާލަން މަސައްކަތް ކުރަމުން ދާކަމަށެވެ. މައުލޫމާތު ލިބިފައިވާ ގޮތުގައި އަލިފާން ރޯވެފައިވަނީ އެރިސޯޓުގެ މުދާ ލާފައިވާ ކޮންޓެއިނަރއެއްގައި ކަމަށްވެސް އެމްއެންޑީއެފުން ބުންޏެވެ.
މިހާދިސާގެ ރިޕޯޓު އެމްއެންޑީއެފްއަށް ލިބިފައިވަނީ މިރޭ 19:41 ގައެވެ.
އެއްވެސް މީހަކަށް އަނިޔާވެފައިވާ ކަމުގެ މައުލޫމާތު ލިބިފައިވާ ނުވާކަމަށާއި، މިވަގުތު އަލިފާން ގަނޑު އިތުރަށް ފެތުރުނަ ނުދީ ކޮންޓްރޯލް ކުރެވިފައިވާ ކަމަށް އެމްއެންޑީއެފުން ބުންޏެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!