އިނގިރޭސި ސާހީއާއިލާގެ އުމުރުން 71 އަހަރުގެ، ޕްރިންސް ޗާލްސް ކޮވިޑް-19 އަށް ޕޮޒިޓިވް ވެއްޖެއެވެ.

އެކަން ވަނީ އިންޓަރނޭޝަނަލް މީޑިއާގައި ރިޕޯޓް ކޮށްފައެވެ. މީޑިއާ ރިޕޯޓުކޮށްފައިވަނީ " ޕްރިންސް އޮފް ވޭލްވްސް " ކޮވިޑް-19 އަށް ޕޮޒިޓިވް ވެފައިވާ ކަމަށެވެ.

Ad
rt

ޗާލްސްގެ ކިބައިން އެބަލީގެ އަލާމާތްތައް ކޮމެވެސް ވަރަކަށް ފެނުނު ނަމަވެސް، ހާލަތު ރަނގަޅު ކަމަށާއި، މިވަގުތު އޭނާ ހުންނެވީ ސްކޮޓްލޭންޑްގައި ސެލްފް އައިސޮލޭސަންގައި ކަމަށްވެސް މީޑިއާ ރިޕޯޓްތައް ބުނެއެވެ.

އިނގިރޭސިވިލާތުގެ ރާނީ އެލިބަޒަތުގެ ދަރިކަލުން އެގައުމުގެ ވަލީއަހުދު ޕްރިންސް ޗާލްސް ކޮވިޑް-19 އަށް ޕޮޒިޓިވް ވެފައިވާއިރު އޭނާގެ ދެވަނަ އަނބިކަނބަލުން ކެމީލާ ވައިރަސް އަށް ޓެސްޓް ކުރި އިރު ނަތީޖާ ނެގެޓިވް ވެފައިވާ ކަމަށް މީޑިއާ ތަކުގައި ވަނީ ރިޕޯޓް ކޮށްފައެވެ.

އިނގިރޭސިވިލާތުން މިހާތަނަށް މިބަލީގައި 422 މީހުން މަރުވެ، 8077 މީހުން ވަނީ ޕޮޒިޓިވް ވެފައެވެ.