ކޮވިޑް-19 ވައިރަސް ބަނޑުގައި އޮންނަ ދަރިފުޅަކަށް ވާސިލެއް ނުވާނެ: ޑރ. ފައިސަލް

ކޮވިޑް-19 ވައިރަސް ބަނޑުގައި އޮންނަ ދަރިފުޅަށް ވާސިލުނުވާކަމަށް ޑަކްޓަރު ފައިސަލް ވިދާޅުވެއްޖެއެވެ.

ކޮވިޑް-19 އަށް އާންމުން ހޭލުންތެރިކޮށް އެވައިރަސްއާއި ގުޅޭ ފަހުގެ މައުލޫމާތުތައް މީސް މީޑިއާ މެދުވެރި ކޮށްދެއްވާ ޑަކްޓަރު ފައިސަލް ކުރެއްވި ޓުވީޓެއްގައި ވިދާޅުވެފައި ވަނީ ‏ކޮވިޑް-19 މަންމައަށް ޖެހިފައި ހުއްޓަސް ކޮވިޑްގެ ވައިރަސް ރަހިމުގެ މަހުންލާފައި ދަތުރުނުކުރާކަމަށެވެ.

" ދަރިފުޅުއޮންނަ ފެންގަނޑުތެރޭގައި ނުހުރޭ، ބަނޑުގަ އޮންނަ ދަރިފުޅަކަށް ނުދޭ އަދި ދަރިފުޅަށްދޭ މައިމީހާގެ ކިރުގައިވެސް ވައިރަސް ނުހުރޭ!" ޑރ. ފައިސަލް ވިދާޅުވެފައި ވެއެވެ.

ޑރ. ފައިސަލްގެ ޓުވީޓުން ކޮވިޑް-19އާއި ގުޅޭ މަޢުލޫމާތު

* ވައިރަސް މާބަނޑު އަންހެނާ ރަހިމުގެ މަހުންލާފައި ދަތުރެއް ނުކުރޭ!
* ވައިރަސް މާބަނޑު އަންހެނާ ބަނޑުގައި ދަރިފުޅު އޮންނަ ފެންގަނޑު ތެރޭގައި ނުހުރޭ!
* ވައިރަސް މާބަނޑު އަންހެނާ ބަނޑުގައި އޮންނަ ދަރިފުޅަށް ވާސިލެއްނުވޭ!
* ވައިރަސް މައިމީހާ ގާތުންދޭ ކިރުގައި ނުހުރޭ!

ކޮވިޑް މަންމައަށް ޖެހިފައި ހުއްޓަސް ކޮވިޑްގެ ވައިރަސް ރަހިމުގެ މަހުންލާފައި ދަތުރުނުކުރޭ، ދަރިފުޅުއޮންނަ ފެންގަނޑުތެރޭގައި ނުހުރޭ, ބަނޑުގަ އޮންނަ ދަރިފުޅަކަށް ނުދޭ
އަދި ދަރިފުޅަށްދޭ މައިމީހާގެ ކިރުގައިވެސް ވައިރަސް ނުހުރޭ

ٱلْحَمْدُ لِلَّٰهِ

— Ahmed Faisal (@Faisalnaifaru) March 20, 2020

ކޮވިޑް-19 އަށް އާންމުން ހޭލުންތެރިކޮށް އެވައިރަސްއާއި ގުޅޭ ފަހުގެ މައުލޫމާތުތައް ރައްޔިތުންނަށް ފޯރުކޮށް ދިނުމަށް ގިނަ މަސައްކަތްތަކެއް ކުރައްވާ ޑރ. ފައިސަލް ހާމަ ކުރެއްވި މިމައުލޫމާތު ތަކަކީ މާބަނޑުމީހުންނަށާއި، މުޖުތަމަޢުއަށް ވަރަށް ބޭނުންތެރި މުހިންމު މަޢުލޫމާތު ތަކެކެވެ.