ކ. އަތޮޅު ޒިޔާރަތް ފުށީގައި ތަރައްޤީކޮށްފައިވާ ސަމަރ އައިލެންޑް ރިސޯޓުން ‎ކޯވިޑް-19 އަށް ޝައްކުކުރެވޭ އަލާމާތްތައް ހުރެގެން ސާމްޕަލް ނަގާ ޓެސްޓްކުރި 7 މީހުން އެވައިރަސްއަށް ނެގެޓިވު ވެއްޖެއެވެ.

އެޗްޕީއޭއިން ބުނީ ‏‎ކޯވިޑް-19 އަށް ޝައްކުކުރެވޭ އަލާމާތްތައް ހުރެގެން ސަމަރ އައިލަންޑް ރިސޯޓުން ސާމްޕަލް ނަގާ ޓެސްޓްކުރި 7 މީހުން ވަނީ ‎ކޯވިޑް19 އަށް ނެގަޓިވް ވެފައި ކަމަށެވެ.

Ad
rt

އެހެން ކަމުން ޓެސްޓްގެ ނަތީޖާއާއި ވިދިގެން، ސަމަރ އައިލަންޑް ރިސޯޓަށް އަރާ ފޭބުމަށް އެއްވެސް ހުރަހެއް ނެތްކަމަށް އަންގާ ކަމަށްވެސް އެޗްޕީއޭއިން ވަނީ ބުނެފައެވެ.

ކޮވިޑް-19 ގެ އަލާމާތްތައް ހުރެގެން ރާއްޖޭން މިހާތަނަށް ޓެސްޓްކުރި މީހުންގެ ތެރެއިން ރިސޯޓެއްގެ ދެ މުވައްޒަފަކު އެ ބައްޔަށް ޕޮޒިޓިވް ވެފައިވާކަމަށް ސަރުކާރުންވަނީ މިރޭ ހާމަކުރައްވާފައެވެ.