އިންޑިޔާގެ ވެރިކަންކުރާ ނިއުދިއްލީއިން އަދި ޓެލެގާނާއިން ކޮރޯނާ ވައިރަސް ފެނިއްޖެ ކަމަށް އެގައުމުގެ ނޫސް އެޖެންސީތަކުން ރިޕޯޓްކޮށްފިއެވެ.

އިންޑިޔާގެ ނޫސްތަކުން ރިޕޯޓްކޮށްފައިވާ ގޮތުން ދިއްލީއިން ފެނުނެމީހާ އަކީ އިޓަލީއިން ދަތުރުކޮށްފައި އައި މީހެއްކަމަށާއި ޓެލެގާނާއިން ފެނުނުމީހާއަކީ ދުބާއީން އައި އެގައުމުގެ މީހެއްކަމަށް ބުނެފައިވެއެވެ.

އިންޑިޔާގެ އިތުރުން ޕާކިސްތާނުން 5 މީހުން ވައިރަސް އަށް ޕޮޒިޓިވް ވެފައިވާކަމަށް ޕާކިސްތާނުގެ ހެލްތު މިނިސްޓަރ ޒަފަރް މިރުޒާ މިއަދު ހެނދުނު ކުރެއްވި ޓްވީޓެއްގައި ވަނީބުނެފައެވެ. މިރުޒާ ބުނީ އިތުރު މީހަކު އެޤައުމުން އިއްޔެ ކޮވިޑް-19 އަށް ޕޮޒިޓިވްވެފައިވާކަމަށާއި، މިއާއެކު އެޤައުމުން ވައިރަސްއަށް ޕޮޒިޓިވްވެފައިވާ މީހުންގެ ޖުމުލަ ޢަދަދު 5ށް އަރާފައިވާކަމަށެވެ.

އަލަށް ވައިރަސްއަށް ޕޮޒިޓިވްވީ މީހާގެ ޙާލަތު ރަނގަޅުކަމަށްވެސް ޓްވީޓުގައި ވިދާޅުވެފައިވެއެވެ