ކ. ކާށިދޫގެ މަގުބައްތިތައް މަރާމާތުކޮށް ބެލެހެއްޓުމަށްޓަކައި ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އާއި ކާށިދޫ ކައުންސިލާ ދެމެދު އިއްޔެ ފަހުމުނާމާއެއްގައި ސޮއިކޮށްފިއެވެ.

މި ފަހުމުނާމާގައި ސްޓެލްކޯގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ ހުސައިން ފަހުމީ ކަމަށެވެ. އަދި ކާށިދޫ ކައުންސިލްގެ ފަރާތުން ސޮއިކުރެއިކުރެއްވީ ކައުންސިލްގެ ރައީސް މުހައްމަދު އާމިރު އެވެ.

Ad
rt

މި އެއްބަސްވުމުގެ ދަށުން، ކާށިދޫގެ މަގުބައްތިތައް މަރާމާތުކޮށް ބެލެހެއްޓުމުގެ މަސައްކަތް ސްޓެލްކޯއިން ކުރިއަށް ގެންދާނެއެވެ.

ސްޓެލްކޯ އަކީ ގްރޭޓާ މާލޭގެ އިތުރުން ކ. އަތޮޅާއި، އއ. އަތޮޅު، އދ. އަތޮޅު އަދި ވ. އަތޮޅުގެ ރަށްތަކުގެ ކަރަންޓްގެ ޚިދުމަތްދޭ ސަރުކާރުގެ ކުންފުންޏެވެ.

ރާއްޖޭގައި ކަރަންޓުގެ ޚިދުމަތް ފޯރުކޮށްދިނުމުގައި ސްޓެލްކޯއިން އަންނަނީ މުހިންމު ދައުރެއް އަދާކުރަމުންނެވެ.