މިއަހަރުގެ ރަމަޟާން މަހާ ގުޅިގެން އުރީދޫ މޯލްޑިވްސްއިން ވަނީ "ރޯދައިގެ ނޫރު" ނަމުގައި ޚާއްޞަ ކެމްޕޭނެއް ތަޢާރަފުކޮށްފައެވެ. މި ކެމްޕޭނުގެ މައިގަނޑު މަޤްޞަދަކީ ކުޑަކުދިންނަށް ރަމަޟާން މަހުގެ މާތްކަމާއި އިސްލާމީ އަޚްލާޤުތައް އުނގަންނައިދިނުމެވެ.
"ރޯދައިގެ ނޫރު" ކެމްޕޭނުގައި ފީޗަރކުރަނީ "ނޫރު" ނަމަކަށް ކިޔާ ކުޑަ އަންހެން ކުއްޖެކެވެ. މި ކެމްޕޭނުގައި ދައްކުވައިދެނީ ނޫރު އޭނާގެ ފުރަތަމަ ފުރިހަމަ ރޯދަމަސް ތަޖުރިބާކުރާ ގޮތެވެ. ނޫރުގެ ބައްޕަ އޭނާއަށް ހަދިޔާކުރާ "ރޯދައިގެ ނޫރު" ފޮތުގެ ޒަރީޢާއިން، ނޫރަށް އިސްލާމީ އިބުރަތްތެރި ފިލާވަޅުތަކާއި ރަމަޟާން މަހުގެ ރިވެތި އަޚްލާޤުތައް ދަސްވެގެންދާ މަންޒަރު މި ކެމްޕޭނުން ފެނެއެވެ.
އުރީދޫ މޯލްޑިވްސް އިން ވިދާޅުވި ގޮތުގައި، މި ކެމްޕޭނުގެ މަޤްޞަދަކީ ރަމަޟާން މަހުގެ އަސްލު މާނަ ހުރިހާ އުމުރުފުރައަކަށްވެސް ރިލޭޓްކުރެވޭ އަދި އުފާވެރި ގޮތަކަށް ހަނދާންކޮށްދިނުމެވެ.
މި ހިތްގައިމު ކެމްޕޭން މެދުވެރިކޮށް އުރީދޫ މޯލްޑިވްސް އިން މަސައްކަތް ކުރަނީ ރަމަޟާން މަހު ޖީލުތަކުގެ މެދުގައި ޙިއްޞާކުރެވިފައިވާ އާދަކާދަތަކަށް އަލިއަޅުވާލުމަށެވެ. މި ކެމްޕެއިންގެ ސަބަބުން ރަމަޟާން މަހުގެ އަސްލު ހުރިހާ އުމުރުފުރައަކަށްވެސް ރިލޭޓެބަލް އަދި އުފާވެރި މަޖާގޮތަކަށް ހަނދާންވެގެން ދާނެކަމަށް އެކުންފުނިން އުއްމީދު ކުރެވެއެވެ.
މި ކެމްޕޭނުގެ މެސެޖުތައް ފޯރުކޮށްދިނުމަށް އުރީދޫއިން ބޭނުންކުރަނީ އެ ކުންފުނީގެ އިޝްތިހާރުތަކާއި ސޯޝަލް މީޑިއާ ޕްލެޓްފޯމްތަކެވެ. މި ކެމްޕޭނުގައި ދައްކުވައިދެނީ ނޫރު ކެތްތެރިކަމާއި، އޯގާތެރިކަމާއި، ޝުކުރުވެރިކަން ފަދަ ރިވެތި ސިފަތައް ދަސްކުރަމުންދާ ގޮތެވެ.
އުރީދޫ މޯލްޑިވްސްއިން މިފަދަ ކެމްޕޭނެއް ކުރިއަށްގެންދިއުމުން، ރާއްޖޭގެ މުޖުތަމަޢުގައި ރަމަޟާން މަހުގެ ރޫޙު އާލާކުރުމަށް އެހީތެރިވެދޭނެ ކަމަށް ބެލެވެއެވެ. އަދި ކުޑަކުދިންނަށް ރަމަޟާން މަހުގެ މުހިންމުކަން އޮޅުންފިލުވައިދިނުމަށް މަގުފަހިވެގެންދާނެ ކަމަށްވެސް އުއްމީދުކުރެވެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!