ޓްރަމްޕް އިދާރާއިން ވަޒީފާއިން ވަކިކުރި ފެޑެރަލް ނިއުކްލިއަރ ސަލާމަތީ މުވައްޒަފުން އަނބުރާ ގެނައުމަށް މަސައްކަތްކުރަމުންދާ ކަމަށް އެން.ބީ.ސީ ނިއުސްއިން ހޯދި މަޢުލޫމާތުން ހާމަވެއްޖެއެވެ.
ނަމަވެސް، އެ މުވައްޒަފުންގެ ސަރުކާރުގެ އީމެއިލް އެކައުންޓްތަކަށް އެކްސެސް ގެއްލިފައިވާތީ، އެ މުވައްޒަފުންނާ ގުޅުމަށް ދަތިތަކާ ކުރިމަތިވެފައިވާ ކަމަށް ވެއެވެ.
ނޭޝަނަލް ނިއުކްލިއަރ ސެކިއުރިޓީ އެޑްމިނިސްޓްރޭޝަން (އެން.އެން.އެސް.އޭ) އިން ބުރާސްފަތި ދުވަހު ވަނީ ގިނަ އަދަދެއްގެ މުވައްޒަފުން ވަޒީފާއިން ވަކިކޮށްފައެވެ. މިއީ ފެޑެރަލް ސަރުކާރުގެ ވަޒީފާތައް އުނިކުރުމުގެ ފުޅާ ދާއިރާއެއްގެ މަސައްކަތުގެ ތެރެއިން ކުރެވުނު ކަމެކެވެ.
އެން.ބީ.ސީ އިން ހޯދި އިންޓަރނަލް އީމެއިލްއެއްގައި ވަނީ، ޕްރޮބޭޝަނަރީ ބައެއް މުވައްޒަފުންނަށް ފޮނުވި ވަޒީފާއިން ވަކިކުރި ސިޓީތައް ބާޠިލުކޮށްފައިވާ ކަމަށާއި، މި މަޢުލޫމާތު އެހެން މުވައްޒަފުންގެ އަމިއްލަ އީމެއިލް އެކައުންޓްތައް މެދުވެރިކޮށް ހިއްސާކުރުމަށް އެދިފައެވެ.
އެން.އެން.އެސް.އޭގެ ނިއުކްލިއަރ ސަލާމަތީ އެއް ސްޕެޝަލިސްޓަކު އެން.ބީ.ސީއަށް ބުނެފައިވަނީ، އޭނާގެ ވަޒީފާއިން ވަކިކުރި ނިންމުން ބާޠިލުކުރި ކަމަށް އަންގާފައިވީ ނަމަވެސް، އަދިވެސް އޭނާގެ އީމެއިލް އެކައުންޓަށް ވަދެވޭގޮތް ނުވާ ކަމަށެވެ. އަދި އޭނާ ވަޒީފާއަށް އަނބުރާ ދިޔުމަށް ރާވާފައިވީ ނަމަވެސް، ވަޒީފާގެ ހަމަޖެހުމެއް ނެތްކަމުގެ ކަންބޮޑުވުން އޮތުމާއެކު، އިތުރު ވަޒީފާތަކަށް ކުރިމަތިލުން ކުރިއަށް ގެންދާނެ ކަމަށް ބުނެފައިވެއެވެ.
ރައީސް ޓްރަމްޕް އަދި އެމެރިކާގެ ޓެކް ބިލިއަނަރު އީލޮން މަސްކްގެ އެހީތެރިކަމާއެކު ކުރިއަށްގެންދާ މި މަސައްކަތަކީ ސަރުކާރުގެ މުވައްޒަފުންގެ އަދަދު މަދުކުރުމަށް ކުރެވޭ މަސައްކަތެކެވެ. ނަމަވެސް، މި މަސައްކަތާ ދެކޮޅަށް ޑިމޮކްރެޓިކް ޕާޓީއާއި، ލޭބަރ ޔޫނިއަންތަކާއި، އެޑްވޮކަސީ ގްރޫޕްތަކުން ވަނީ އިހުތިޖާޖުކޮށްފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!