އައިޖީއެމްއެޗުން ފިލި ޤައިދީ ހުޅުމާލެއިން ހައްޔަރުކޮށްފި

ހެލްތް ސްކްރީނިން ހެދުމަށް އައިޖީއެމް ހޮސްޕިޓަލަށް ގެންދިޔަ ޤައިދީއަކު މިއަދު ފިލައިގެން އުޅެނިކޮން ފުލުހުން އެއިނާ ހައްޔަރުކޮށްފިއެވެ.

އޭނާ ހޯދައި އަލުން ކަރެކްޝަންސްގެ ބެލުމުގެ ދަށަށް ގެނައީ، މިއަދު މެންދުރު 2:10ގަ އެވެ.

Miadhu hedhunu IGMH in fili Aisaru Naseem @PoliceMv ge eheetherikamaaeku vanee miadhu 14:10 ga hayyaru koffa. Mihaaru meena huree MCS ge belumuge dhashuga. Mi massakathuga @PoliceMv vedhevvi ebbaarulumah shukuru dhannavan.

— Maldives Correctional Service (@CorrectionsMv) January 23, 2020

ކަރެކްޝަނަލް ސަރވިސުން ވިދާޅުވީ ފިލާފައިވަނީ ގދ. ރަތަފަންދޫއަށް ނިސްބަތްވާ އުމުރުން 24 އަހަރުގެ އައިސަރު ނަސީމް ކަމަށެވެ. އޭނާ ފިލާފައިވަނީ މިއަދު ހެނދުނު ހެލްތް ސްކްރީން ހެދުމަށް އައިޖީއެމްއެޗަށް ގެންގޮސްފައި ހުއްޓާ ހެނދުނު 8:24 އެހާއިރުކަމަށް ކަރެކްޝަނަލް ސަރވިސުން މަޢުލޫމާތުދެއެވެ.

ނަސީމްއަކީ މަސްތުވާތަކެތީގެ މައްސަލައެއްގައި ހުކުމް ތަންފީޒު ކުރަމުން އަންނަ މީހެކެވެ. އޭނާ އައިޖީއެމްއެޗްއަށް ގެންދިޔުމުގެ ކުރިން ހުރީ މާލެ ޖަލުގައި ބަންދުކޮށްފަ އެވެ.