އޮސްޓްރޭލިޔާއަށް ބޯކޮށް ވާރޭވެހި ވިދާ ގުގުރާ، ގަނޑުފެނުގެ ތޫފާނަކާއި ވެލީގެ ތޫފާނެއް އަރައިފިއެވެ.
މޫސުމީ މިހުރިހާކަމެއް އެގައުމުގެ ތަފާތު އެކި ހިސާބުތަކަށް ދިމާވެފައި މިވަނީ އެއްދަވަހަކުއެވެ. އެގައުމުގެ އެކި ހިސާބުތަކަށް ބޯކޮށް ވާރޭ ވެހޭތާ ދެހަފްތާ ވަރުވެފައި ވާއިރު ގަނޑުފެނުގެ ތޫފާނާއި ވެލީގެ ތޫފާން އަރާފައި ވަނީ މިމަހުގެ 19 ވަނަ ދުވަހުއެވެ.
Hail destroying the trees at Parliament House.. poor gardeners pic.twitter.com/bHEES1yhHy
— Tamsin Rose (@tamsinroses) January 20, 2020
ދުނިޔޭގެ ދެކުނު ބިތުގެ ހޫނު މޫސުމުގެ އެންމެ ހޫނުގަދަ ދުވަސްވަރާއި ދިމާކޮށް މިދިޔަ އަހަރުގެ ފަހުކޮޅު އޮސްޓްރޭލިޔާގެ ޖަންގަލީތަކުގައި ފެތުރުނު ބިޔަ އަލިފާން ގަޑު މައިތިރި ވެފައިވަނިކޮން އަނެއްކާވެސް މިވަނީ މޫސުމީ ބޮޑު ގޮންޖެހުމަކާއި އެގައުމުގެ ރައްޔިތުން ކުރިމަތިލާން ޖެހިފައެވެ.
އެގައުމުގެ އެކި ސިޓީތަކަށް ގަނޑުފެނުގެ ވާރޭ ވެހިފައިވާއިރު މެލްބަރޮންސް އަދި ސިޑްނީއަށް ވެސް މިތޫފާނުގެ އަސަރުވަނީ ކޮށްފައެވެ. އާންމު ދިރިއުޅުމުގެ ކަންކަމަށް ބުރޫއަރާ އެކިވަރުގެ ގެއްލުންތައްވަނީ ވެފައިވާއިރު ބައެއް ސަރަހައްދުތަކަށް ގަދަ ވަޔާއި އެކު ވެހިފައިވާ ގަނޑުފެނުގެ ބޮޑުމިން ކުރިކެޓް ބޯޅަ އަކާއި އެއްވަރެވެ.
އޮސްޓްރޭލިޔާގެ ގެ ރައްޔިތުން ގަނޑުފެނުގެ ތޫފާނާއި ހަނގުރާމަ ކުރަމުން ދިޔައިރު ހަނަފަސް ސަރަހައްދުތަކަށް ވަނީ ވެލީގެ ބޮޑު ތޫފާނެއް އަރާފައެވެ.
— Jason Herbig (@jason_herbig) January 19, 2020
ހަލުވި ދުވެލީގައި ދަތުރު ކުރަމުންދިޔަ ވެލީގެ ބިޔަ ވިލާގަނޑުގެ ތެރެއިން ނަގާފާއިވާ ބަޔެއް ވީޑިއޯތައް ވަނީ އާންމުކޮށްފައެވެ.
Wild video of an enormous dust storm in Australia. Watch to the endpic.twitter.com/EXVqwFOqib
— Andrew Backhouse (@Andytwit123) January 20, 2020
ފަތުރުވެރިންގެ މެދުގައި މަގުބޫލު ސިޑްނީގެ ސަރަހައްދަކަށް ގަދަޔަށް ވިދާ ގުގުރާ ބޯކޮށް ވާރޭވެހި ފެން ބޮޑުވުމުގެ ހާދިސާތަކާއި ކުރިމަތިލާން ޖެހިފައިވެއެވެ.
މިދިޔަ ހުކުރު ދުވަހުން ފެށިގެން ހުއްޓުމެއް ނެތި ބަޔެއް ސަރަހައްދުތަކަށް ބޯކޮން ވާރޭވެހި މޫސުމީ އެކިއެކި ހާދިސާ ތަކާއި ގުޅިގެން ބޮޑެތި ދަތިތަކާއި ކުރިމަތިލާން ޖެހިފައިވާކަމަށް ރިޕޯޓްތައް ބުނެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!