މެރެތަން ދުވެލަން ދޯހާއަށް! އުރީދޫގެ ކަސްޓަމަރުންނަށް ހާއްސަ ލަކީ ޑްރޯއެއް

އުރީދޫ މޯލްޑިވްސްގެ ކަސްޓަމަރުންނަށް ޚާއްޞަކޮށްގެން ދޯހާ މެރެތަންގައި ދުވުމުގެ ދެ ފުރުސަތު ލިބޭ ލަކީ ޑްރޯއެއް އިޢުލާންކޮށްފި އެވެ.

މި މެރެތަން އޮންނާނީ އަންނަ އަހަރުގެ ޖަނަވަރީ 17 ވަނަ ދުވަހު ޤަޠަރުގައެވެ.

ލަކީ ޑްރޯގައި ބައިވެރިވުމުގެ ފުރުސަތު މި މަހުގެ 26 އިން ފެށިގެން ނޮވެމްބަރު 26 ގެ ރޭ 11:59 އާ ހަމައަށް އުރީދޫގެ ވެބްސައިޓު މެދުވެރިކޮށް ހުޅުވާލައިފައިވާ ކަމަށް އެ ކުންފުނިން ބުނެއެވެ.

މި ލަކީ ޑްރޯގައި ބައިވެރިވެވޭނީ އުރީދޫގެ ކަސްޓަމަރެއްގެ ގޮތުގައި މަދުވެގެން އެއް އަހަރު ދުވަސްވެފައިވާ ފަރާތްތަކަށެވެ. އެގޮތުން، 2023 ވަނަ އަހަރުގެ އޮކްޓޫބަރު 1 އިން ފެށިގެން އުރީދޫގެ ޚިދުމަތް ބޭނުންކުރަމުން އަންނަ ކަސްޓަމަރުން މި ޑްރޯގައި ބައިވެރިވެވޭނެއެވެ.

މީގެ އިތުރުން، މެރެތަން ނުވަތަ ހާފް މެރެތަން ދުވުމުގެ ޤާބިލުކަން ހުރުމާއި، ކުރިން މިފަދަ މެރެތަނެއްގައި ބައިވެރިވެފައިވުމަކީވެސް ކޮންމެހެން ފުރިހަމަވާންޖެހޭ ޝަރުތުތަކެކެވެ. އަދި ގަތަރަށް އެތެރެވުމުގެ ޝަރުތުތައް ފުރިހަމަވާ ދިވެހި ޕާސްޕޯޓެއް އޮތުންވެސް ލާޒިމުކުރެއެވެ.