ސެމްސަންގް ގެލެކްސީ ބަޑްސް 3 ސީރީޒް އައު ޑިޒައިނަކާއެކު ތަޢާރަފުކޮށްފިއެވެ.

ޕެރިސްގައި ބޭއްވުނު ގެލެކްސީ އަންޕެކްޑް އިވެންޓުގައި ސެމްސަންގުން ގެލެކްސީ ބަޑްސް 3 އަދި ގެލެކްސީ ބަޑްސް 3 ޕްރޯ ތަޢާރަފުކޮށްފައިވާއިރު، މި އައު ސީރީޒްގެ ޑިޒައިން ވަނީ ކުރީގެ މޮޑެލްތަކާ ތަފާތުކޮށް، އެޕަލްގެ އެއަރޕޮޑްސް އާ އެއްގޮތަށް ސްޓެމް އަކާއެކު ބަދަލުކޮށްފައެވެ.

Ad
rt

ދެ މޮޑެލްގައިވެސް އެކްޓިވް ނޮއިޒް ކެންސަލޭޝަން (އޭއެންސީ) ހިމެނޭއިރު، އައިޕީ57 ޑަސްޓް އަދި ވޯޓަރ ރެޒިސްޓަންސް ރޭޓިންގ ލިބިފައިވެއެވެ. ގެލެކްސީ ބަޑްސް 3 ގެ އަގަކީ 179.99 ޑޮލަރު ކަމުގައިވާއިރު، ގެލެކްސީ ބަޑްސް 3 ޕްރޯގެ އަގަކީ 249.99 ޑޮލަރެވެ.

ގެލެކްސީ ބަޑްސް 3 ގައި 11އެމްއެމްގެ ޑައިނަމިކް ޑްރައިވަރެއް ހިމެނޭއިރު، ޕްރޯ ވަރޝަންގައި 10.5އެމްއެމްގެ ޓޫވޭ ޑައިނަމިކް ސްޕީކަރަކާއި 6.1އެމްއެމްގެ ޕްލޭނަރ އެއް ހިމެނެއެވެ. ދެ މޮޑެލްގައިވެސް ތިން މައިކްރޯފޯނާއި ވޮއިސް ޕިކްއަޕް ޔުނިޓް ހިމެނެއެވެ.

ޕްރޯ މޮޑެލްގައި އެމްބިއެންޓް ސައުންޑް މޯޑާއި ވޮއިސް ޑިޓެކްޓް ފީޗަރ ހިމެނެއެވެ. މީގެ އިތުރުން، ދެ މޮޑެލްގައިވެސް ބްލޫޓޫތު 5.4 ސަޕޯޓްކުރާއިރު، އެންޑްރޮއިޑް 10 ނުވަތަ އެއަށްވުރެ މަތީ ވަރޝަންގެ ޑިވައިސްތަކާ ގުޅޭގޮތަށް ފަރުމާކޮށްފައިވެއެވެ.

އައު އޭއައި އަށް ބިނާކޮށްފައިވާ ފީޗަރތަކުގެ ތެރޭގައި އިންޓަރޕްރެޓަރ އަދި ވޮއިސް ކޮމާންޑް ހިމެނެއެވެ. ބެޓަރީ ދެމިހުންނަ މުއްދަތު ދެ މޮޑެލްގައި ތަފާތުވާއިރު، ޕްރޯ ވަރޝަންގައި ކުޑަކޮށް ދިގު މުއްދަތަކަށް ބެޓަރީ ދެމިހުރެއެވެ.

މި އުފެއްދުންތަކަށް ޕްރީއޯޑަރ ކުރުމަށް ޖުލައި 10 އިން ފެށިގެން ހުޅުވާލާނެ ކަމަށާއި، އާންމުކޮށް ވިއްކަން ފަށާނީ ޖުލައި 24 އިން ފެށިގެން ކަމަށް ސެމްސަންގުން ބުނެފައިވެއެވެ.